احسن الحسان :

الف شكر لكي اختي السنعة انا بنتي في تدرس متوسط وفي يوم عملو تفتيش في مدرستهم وطبعا اخذو الاشيا اللى مخالفه وذا من حقهم بس بنتي كان في شنطتها قاموس لغة عربي انقليزي وابلة الاءنقليزي هيه اللى طالبته ولما فتشو اخذو القاموس وكل بنت يسجلو ايش لقو في شنطتها وبعد كدة نادو عليهم وحدة وحدة ويلله على الاءداره والابلة تزعق عليهم وتتلفظ بالفاظ الله يستر علينا بنتي يوم ذكرو اسمها قامت تبكي وتقول لهم والله ما معي شي والمعلمه اللى كانت معاهم في الحصه تقول لها طول عمري اقول عليكي طالبه مؤدبة اتاريني مخدوعه فيكي وهناك في الاءدارة سالوها ليش جايبه القاموس معكي قالت ابلة فلانة طالبتو وانا خليته في الشنطه خوفي لا انساه يوم يكون علينه مادة اللغه قالت لها الابله شوفي دحين راح اكتبك تعهد وخلي بالك مرة تانيه راح تشوفي شي مايسرك وحطت القاموس في ظرف وسلمتها هوه بنتي تقول رجعت الفصل ووجه في الارض والابله والبنات يبقو يعرفو وش ظبطو معي ويوم درو قا لت الابله وي يربي بس على هادة ومعلمه ثانيه تقول لزميلت بنتي وهي من بنات الدار منتي متاكده من الجواب انطمي مانبغى بربرت عبيد بنتي تقول والله البنت المسكينا وجهها راح لون وجا لون ثاني وياما ينظلمو بلكلام بدل مراعات ظروفهم كان الله في عونهم ومدرسه ثانيه قالت لبنت زميلتها يعني ام البنت مدرسه في نفس المدرسه ليش اقلامك من هنوعيه التقليد لونك فقيرة او يتيمه كان عزرناكي قولي لامك تطلع من اللي هي كانزته وتشتري لك اقلام زي الاوادم وطبعا البنت قالت لامها والام قدمت في الزميله شكوه طبعا هاذي بنت ابلة والبقيه يعيني عليهم وسامحوني على الاءطاله والله اذا بنتي ذكرة موقف حسن لمعلمه والله اني ادعيلها من قلبي واذا كان العكس اقول الله يهديها ويكفيكم شرها

الف شكر لكي اختي السنعة انا بنتي في تدرس متوسط وفي يوم عملو تفتيش في مدرستهم وطبعا...