جزاكم الله خير خواتي العزيزات :26:

شكرا للاخت رسيل للايضاح

مبروك مقدما.. وانصحك بالدارسين(القرفه) تراه ممتاز جدا في ايام الدوره . اشربي لك كاس في اليوم..

أختي مو خسرانة شي راجعي دكتورة أفضل لأن الرائحة التي ذكرتيها مو طبيعية ...
حتى لو ماكنت طهرتِ لازم مايكون في ريحة مع عنايتك بالنظافة ...
وهل هذه الرائحة تكون موجودة أيام الدورة ؟؟؟

السلام عليكم
اشكركم اخواتي العزيزات على التفاعل وجزاكم الله كل خير

بالنسبة للطهارة البيضا انا عمري ماشفتها .. بس يوم يوقف الدم اعرف اني خلصت واروح اتسبح لكن بعدها بيوم يرجع ينزل سائل بني .. ينزل لفترات متقطعه خلال يومين .. يعني هذي الدوره ولا ايش ؟؟؟؟

والله ودي اروح لطبيبة بس بصراحة استحي يعني وش اقول لأمي ؟ وايد اخجل من هالامور
وبصراحة انا موسوسه شوي من ناحية النظافة ممكن يكون شيء عادي وانا مكبره الموضوع .. والله ماادري .. بس الريحه مثل ريحة الدم العادي .. ماادري هذا شيء طبيعي ولالا ؟

سمعت بعض الاخوات يتكلمون عن المسك الابيض ! هل هو زين ؟ يعني في حالة اذا كانت الريحة اللي اعاني منها عادية

والله وانا اكتب لكم واقرا ردودكم في قمة الخجل .. ألف شكر لكم خواتي الفاضلات .. بس شاسوي مالي غيركم