السلام عليكم ورحمه الله وبركاته
اشكركم حبيباتي على التواصل الطيب...وكلامكم الحلو..
بالنسبه للكراسي الصغيره هذي اشتريتها من ذا ون قبل المقاطعه ...وهي للاسامي..
انا حطيت فيها اسامي الاكلات:22:
بالنسبه للتجهيز..
انا بديت الطيخ قبلها بيوم..
اليوم الاول جهزت اللازانيا وصينيه اللحم بالبطاطس و تبلت الجوانح والدجاج بالكريمه والمتبل..
وحطيتهم بالثلاجه:26:
مطبوخين وجاهزين بس باقي رحله التحمير في الفرن ...
اليوم الثاني..يوم العزيمه...من الصبح جهزت السلطات وسويت الرز الكابلي..وشويت الجوانح والنودلز الصينيه..والباقي كله..
طبعا لازم اقولكم اني استعنت بالشغالات شغالتي وشغاله امي 2..
لاني ماقدر اجهز كل هالشغل بروحي..
والحمد لله تمت على خير....
بالنسبه للوصفات:26: :26:
راح انزلكم الوصفات ان شاء الله من اليوم..
بسم الله نبدا..
الرز الكابلي ...طريقه عزيزه الله يخليها...ماشاء الله عليها انا طبخته من قبل وبعد الاقبال الكبير عليه سويته مره ثانيه وثالثه..
الطريقه في الرابط
http://forum.hawaaworld.com/showthread.php?t=598315&page=231
الرز الكابلي
المقادير :
دجاج او لحم – هذه الكمية من المقادير تكفي لكيلو لحم او دجاج
قشر برتقالة- 2م ك صلصة- 1م ك ثوم – 3بصل مفروم البهارات 1م ك مطحونة بهارات مشكلة ( قرفة قرنفل هيل كمون فلفل اسود ) حبة خولنجان - لون اصفر محلول في ربع كوب ماء مع 1م ك ماء كادي
3فص مستكة +ربع كاس زيت - 3ك رز ابو كاس -
الطريقة :
نسلق اللحم او الدجاج مع اضافة 1م ك بهارات مطحونة و1فص مستكة وملح
نحمر البصل في قدر آخر ثم نضيف له الثوم وقشر البرتقال ويحرك جيدا ثم يضاف له الصلصة والبهارات المطحونة و2مكعب ماجي او ملح حسب الرغبة وكوب من المرقة ويترك ليتسبك جيدا حتى يبقى في ماء قليل
نسلق الرز في مرقة اللحم بعد تصفيته ثم يسلق نص سلقة ويصفى من الماء
يحمر الدجاج اولاً ثم يوضع على خلطة البصل ويوضع فوقه الرز ثم يوضع على الوجة اللون الاصفر ويوضع على نار عالية لمدة 1دقيقة ثم نرخي النار ، نحمي ربع كاسة الزيت ونضع عليها فصوص المستكة حتى تذوب ثم تصب على وجة الرز ويغطى القدر جيدا ويترك حتى ينضج الرز (نص ساعة تقريباً)
عند التقديم يغرف الرز ويزين بالمكسرات والبقدونس المفروم وشرائح الليمون ويقدم مع سلطة الخيار باللبن
ملاحظة : اللحم لايحمر بل يوضع على طول على الخلطة
السلام عليكم ورحمه الله وبركاته
اشكركم حبيباتي على التواصل الطيب...وكلامكم الحلو..
بالنسبه...
تصدقين احس اني الان مليت من الطبخ ولا اقدر اسوي بوفيه
اول كنت اقدر الان ملييييييت
لي فتره ما سويت عزيمه الا من برى
الله يخلف علينا بس
ربي يعطيك الصحه والعافية مشااء الله تبارك الله