انتى عايزة تستخدميها فى اية يا سموحة ؟؟؟؟؟؟ يعنى مثلا لو حتستخدميه فى الكيك او البسكوتات مثلا قطعى البرتقاله اربع ارباع علشان القشرة تكون ماسكة نفسها بعد مابتقشرى البرتقال بس ميكنش فى القشر القلب الابيض دة كتير يعنى على قد ماتقدرى قشرى البرتقاله على الاخر بدون الابيض تحطيه فى كيس نايلون فى الفريزر هو حينشف وحيبقى جامد كل ماتحبى تستخدميه تطلعى ربع فى ربع يا تقطعيه يا تبشريه يا اما لو عندك مثلا زيت ريحته مش حلوة تروحى رمية فى المقلاية كام حتة قشر لحد الزيت مايقدح حتلاقى القشر امتص الريحه اللى فى الزيت

صباح الفل يا بنات

قبل ما ابدأ

كل اللي سئلوني على الفرن كان ب 320 من غير شواية وبالشواية ب 370 بس انا مش محتاجاها وكان في اصغر منه ب 240 جنيه وكان في كمان ب 200 على حسب الحجم بس انا قلت الكبير ينفع ياخد له صنيتين كبار فوق وتحت

روحي يا دندن على التجمع بتاعنا عاوزة رأيك في حاجة هناك سيبي المطبخ شوية

صباح الخير يا بنات عاملين ايه ؟

ازيك يا دينا

صباح الفل

انا بقى متضايقة علشان الفرن الجديد بيفصل الكهرباء تخيلوا 5 او 6 مرات النهارده سكينة الكهرباء تنفصل بسببه هو وغسالة الأطباق بس الفرن جديد لسة تاني مرة استعمله ما كملش اسبوع تفتكروا العيب في الكهربا نفسها؟

اعتقد يا فطوم السبب ثقل الحمل على الكهرباء لانى مرة شغلت المكواة مع الغسالة الاوتوماتيك مع السخان فصلوا الكهرباء ابقى شغليه لوحدة ...نسيت اقول لك مبرووووووووووووك على الفرن

الحمدلله أنا أحسن يا don

ومتشكرة على طريقة الكفتة وعصاج الرقاق


انا عرفت ايه غلطتي في عمل الارنب هو طريقة السلق .. انا حمرته في زيت وبصلة متقطعة 4 وحبهان ومستكة بالزبط زيك لكن سلقته على طول والمفروض اعمله زي ما قلتي لي


معليش على السؤال :
والملوخية اللي انا عملتها لسة في الثلاجة ارميها ؟ ولا اعمل بيها ايه ؟ اصفيها واعمل بميتها ملوخية تاني؟

سؤال:
لما احط الارنب تاني في السمنة اشوحه واخليه يتحمر شوية ولا بس على طول اصب عليه المية ؟ وده مش هيزود الدهون في الشوربة ؟
3/4 سوا وبعدين تجيبى حلة وتحطى فيها معلقة سمنة وفصين مستكة وفصين حبهان لحد لايحتهم ماتطلع تروحى حاطة الارنب .....


بالنسبة للطيور يا دون انا اللي قصدته هو زي كلام أم أبيها74
يعني نفس اللحمة ما تبقاش غنية ودسمة تبقة ناشفة زي لحمة صدر الفراخ .. نفس اللحم ناشف مش زي دبوس الفرخة تبقى نفس لحمته ناعمة ودهنية شوية

ما كنتش اقصد شوربة الطيور .. وانه دسم الطير بينزل فيها .. قصدي لحمته نفسها مش عايزاها تبقى ناعمة وغنية .. لأسباب صحية معدتي ما بقتش تتحمل الأكل الدسم خالص وعندي طيور وحرام أرميهم جايالي هدية مخصوص


متشكرة يا قلبي وكل أسئلتي إنت غطيتيها خلاص كتر خيرك