ههههههههه الصفحة ظهرت
ربنا يخليكى يافطوم بس الطعم كان مش كله واخبار السمك ايه

انا مستنية رأى الشيف دندون علشان اعرف فين المشكلة؟

ازيك يا ايمي انا كمان مستنية اعرف رد دينا بس اعتقد السبب انك سيبتي العجينة 3 ايام على ما فردتيها

أم الحص

بعد اذنك يا دينا هاديها صلصة المركونة في السريع على ما تيجي انا عارفة انك مشغولة في امتحانات ولاد اختك

بصي اسه واسرع صلصة مكرونة

لكيس مكرونة 400 جرام

5 طماطم
حبة فلفل حامي او اثنين لو بتحبيها حامية
3 فصوص ثوم كبيرة
اضربيها في الخلاط كويس

هاتي حلة وحطي فيها معلقتين زيت لما تسخن ضيفي عليها الطماطم المعصورة مع الثوم والفلفل ولما تتسبك ضيفيها للمكرونة وقلبيها في حلة على نار هادية

في طريقة تانية انك تحمري في الزيت بصلة مبشورة وبعدين تضيفي الطماطم بنفس الطريقة

أو تحمري ثوم في الزيت ولما يصفر تضيفي لها معلقتين خل ابيض كبيرة وبعدين الطماطم المعصورة

وفي كل الأحوال تصفي المكرونة المسلوقة من المية كويس وتغسليها بمياه باردة تحت الحنفية قبل ما تضيفي لها الصلصة وتقلبيها كويس على نار هادية

السمك كان حلو يا إيمي والله بس كان نفسي انوع لكن مش لاقيت حاجة جنب الفيليه
انت عارفة انا اموت في السمك لو اكلته كل يوم ما اقلش لأ

صباح الخير على كل اللي هنا

صباح الخير يا دون
أنا عملت مسقعة البطلطس و طلعت جميلة قوي (مانتحرمش منك يا جميييييل)
معلش بقى عندي كام سؤال كده معلش يعني
انا عندي زبدة متسيحة (سمنة بلدي يعني) كتير فلما بحب اعمل حاجة حلوة بلاقيكوا دايما بتستعملوا زبدة :( لو اشتريت زبدة هودي السمنة دي كلها فين
ينفع استعملها بدل الزبدة؟ و لو ينفع هيبقى المقدار نفسه و الا ايه؟
معلش انا آسفة على الإطالة :26:

دون موتي ازيكم ربنا يخليكم لينا يا مأكلنا ومهانينا انا بقا زعلانه جدا :( علشان حاجتين اولا اني ولغاية دلوقتي مش عارفه انزل الكتاب الالكتروني وانا مش منقوله من هنا غير لما انزله والحاجه التانيه واللي سدت نفسي عن دخول المطبخ اني جيت اعمل عجينة الكرواسان والباتيه والذي منه أول امبارح ولكن فشلت فشل ذريع لأنها مطلعتشي مورقه وكان طعم الزبده باين اوي والطعم مسكر وعلى فكره انا عملت نفس الخطوات اللي كانت موجوده في ملف برنامج من كل بلد اكله انا لما حطيت الزبده حطيتها كلها مره واحده هيا بتتحط كده ولا لما ادخل العجينه واطلعها في كل مره احط شويه من الزبده مش عارفه ويا ريت اعرف انا مستنيه الرد عاجلللللللللللللا




او آجلا