موضوع مرررررة قاااااهرني واتمنى كل البشر تقراة
الناس الي ماسكين سلطة بالبلد حقين الجمعيات الخيرية ويشوفون عائلات الايتام ذابحهم الفقر ومايعطونهم وجة ومخلين الرزق لناس الايتام الي يقربون لهم الواسطة حتى بالجمعيات الخيرية
وحدة من صحباتي ام ايتام عايشة احلى عيشة من الجمعية الخيرية اقسم ب**** العلي العظيم وربي شاهد علي انة شي شفتة بعيني محد قال لي يدفعون لها ايجار البيت 30الف وترفق لهم فاتورة الكهرب ويسددونها وكل سنة يغيرون لها المكيفات مع انة مكيفاتها الي قبل جدد وتتبرع فيهن لنا و3ثلاجات وفرن ودفايات وكل شهر يصرفون لها ذبيحتين يعني تكفي حق 5عائلات ايتام وكل انواع المعلبات بالكرتون حتى جبن الكيري بالكرتون الموظف ابو راتب 10الاف مايقدر يشري كيري كرتون وغير الدجاج والرز وقسائم شراء 500ريال وقسائم مدارس تدرون ليش كل هاذاعشان مدير الجمعية يعرفهم يعني( واسطة)**** يرزقها بس الي ذبحني مافي عدل رحت عند امي وقلت لها على موضوع صديقتي واقنعتها نروح لانة حالفة ماتروح الجمعية الخيرية لمعاملتهم الشينة قلت لها لاتتكلمين معهم خلينا نروح وانا اتكلم وتكلمت لهم وشرحت وضع اهلي لهم وهم اصلا عندهم ملف لنا مسجلين من توفى الوالد وقالت الموظفة خلاص روحو واذا جانا شي اتصل عليكم صراحة استانست وقلت لمي شفتي ماراح يقصرون ودقت بعد 3ايام ورحنا واعطتنا خيشة طحين وتمر يابس وخيشة مكرونة وكيس ملح خشن اقسم ب**** ماني مستوعبة انصدمت ويوم قلت لها اش هاذا قالت احمدي ربك على النعمة وطردتني قالت وراي زحمة قلت لها طيب مافي لحم ومعلبات وربي ردت علي ماتبون وجبات من هرفي تفطرون عليها وهي تضحك اقسم ب**** نزلت دمعتي من الغبن والقهرمن جد حسيت بذل ودقيت على صديقتي وعلمتة بالسالفة قالت خلاص انا ادق على نفس الرجال الواسطة وكل يوم تصرفني للحين ماردت بس كان نفسي يسون نظام بتوقيع من كل عائلة انهم استلمو اجهزة وايجار واكل عشان المسؤولين يعرفون من يستلم ومن مايستلم لانة السعودية ماتقصر بالتبرعات بس القهر مايوصل لكل الفقراء ليش محد يحاسبهم لما نقراء الجرايد ونشوف الاخبار بالتبراعات الي توصل من الامراء واهل الخير بالملايين واذا رحنا لهم طردونا قالو مافي شي ومستحقرين الحريم الضعاف بس لوتشوفون الموظفين شلون يعاملون الارامل اخ يالقهر كنهم دافعين من حلالهم شي حسبي **** ونعم الوكيل
t0o0ofy @t0o0ofy
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
أسأل الله العلي العظيم في هذا الشهر الكريم ان يفتح لكم ابواب رزقه
وربك كريم اكرم من كل خلقه