موضوع يهم الجميع ياليت تشاركوني

السلام عليكم ورحمة الله
انا متابعه قديمه لعالم حواء / لفت انتباهي كثرة مشاكل النساء المتزوجات
لقيت اغلب البنات عندهم قانون مدري من اي منطق جايبته واستغربت من طريقة تفكيرهم وتربية اطفال بأجواء غريبه عجيبه ...
اولا : الزواج عقد شاركه بكل النواحي لازم يتقاسمون كل شي بينهم
(الرجل عليه توفير السكن و الزوجه عليها العنايه بالسكن )
( الرجل عليه توفير الطعام و الزوجه عليها إعداد الطعام )
(الرجل عليه توفير الملابس والزوجه عليها الملابس )
( الرجل عليه احترام اهل الزوجه والزوجه عليها احترام اهل الزوج )
( الرجل والمراء شريكان بإنجاب الاطفال وعليهم المشتركه بتربيتهم )
.........................
لكن للاسف اغلب الزوجات رايها واجب على زوجها توفير السكن لكن ماني مجبوره انظفه جيب شغاله
وبعض الزوجات غصبا عنك تجيبلنا لبس بس ماني مجبوره اغسل لبسك جيب شغاله
بعض الزوجات غصبا عنك تجيب أغراض للبيت لكن ماني مجبوره اطبخلك ،،،
وللاسف بعض الزوجات مهمله حقوق الزوج بحجة ماني شغاله
وللاسف بعض الزوجات قائمه بكل حقوق زوجها لكن مهمله نفسها
وللاسف بعض الزوجات تتنازل عن حقوقه كامله وتخضع لخدمة الزوج
كل من كانت من السابق راح تعاني فتور بحياته بعدين بينها وبين زوجها قلة احترام بينهم
.................
الحل / قضي للبيت اطبخلك قام بحقوقه قمت بحقوقي ماوفر أغراض للمطبخ هنا منتي مجبوره تطبخين
وفر سكن. انظفه ماوفر سكن منتي مجبوره بالنظافه
وفر لبس اغسله ماوفر لك منتي مجبوره تنظفي لبسه
......
لازم يتعود يعطيك حقوقك عشان يأخذ حقوقه
.......
والنظافة الشخصيه ضروري ضروي لطرفين إنسان يحضني ويقبلني اشلون ارضى ع نفسي بريحة شينه سواء مني او منه / لحد يخجل من الثاني زوجي مهمل نظافته الشخصيه اقوله انا نصفه الثاني ومن حقي يكون نصفي الثاني نظيف الزوجين مع بعض مثل الطعام لبعض اذ كان وسخ وملوث ممنوع أكله
النظافه ماتحتاج مجهود كبير دش بشامبو ماياخذ ٥ دقايق فرشة أسنان ماتاخذ دقيقتين
بختين عطر يكون للمتزوجه مرتين باليوم او ماتصحي وقبل تنام
،............
اما شغل الأنانيه ماني شغاله ماني خدامه ماني ملزومه/ اتركيه عنك
الشغاله تنفع لوحده موظفه لوحده مريضه لوحده بيتها مليان اطفال وزوجها مقتدر
......
مصايب الشغالات اكثر من نفعهم قتل وضرب وتعذيب للاطفال
حتى بالأكل يحطون قاذوراتهم
......
والام ع الجوال تصور سناب ليل نهار كيف تصب القهوة وكيف تاكل الكيكه
ماتنام غير قبل الفجر واذ زوجها صحهاريحتهافايحه وبيتها وسخ
وتقول ماني ملزومه
اذ تزوج قامت تنوح واذ طلقها قامت تنوح وعند زوجها تنوح وفبيت اَهلها تنوح
ليش . لانهاماحطت اساسيات لحياتها صح
اما مسخره نفسها لزوجها وهامله نفسها
او مسخره وقتها لنفسها وعاملها زوجها وبيتها
. ......
الحياة شراكه جميله بدون انانيه وبدون تنازل عن الحقوق
أعيش مع زوجي بكامل حقوقي واعيش لنفسي ولزوجتي ولبيتي
"""
أتمنى قدرة أوصل الي بقلبي لكم
تقبلو تحياتي