دعواتكم لي بصلاحة النية والذرية
وتفريج الهم وتيسير الأمور
وبإذن الله إن لقيت وقت حطيت موضوع خاص متكامل بس دعواتكم لي
وإذا جا ببالي شي برضه بكتبه
وشوفوا مواضيعي ترا فيها اشياء سهلة بعد يمكن اجمع روابطها وأحطها في الموضوع إذا سويته
عشان يسهل الوصول إليها <<<ماخذة مقلب بنفسها :(
الصفحة الأخيرة
بسم الله مشاء الله تبارك الله لاقوة إلا بالله
غسيل دورات المياه والمغاسل 00000000000
هذي سهلة جداً
أولا تنظيف عميق وكامل وشامل--------------
00000 نقوم بتنظيف الحمام من أي شيئ عالق بالبلاط تنظيف جيدجداً مثلا لو فيه بقع بوية أو قطع جبس أو إسمنت ماسكة على البلاط أو على الكرسي أو على أي قطعة في الحمام ونزيل التكلسات بالخل أو بالفلاش وننتبه ما نستعمل الفلاش بكثرة ونستعمله بحذر عشان مايخرب البلاط ويشيل الترويبة اللي بين البلاط
البالوعة (وسط الكرسيي سواء عربي أو أفرنجي(كابينيه أو بديه) لازم نحرص على تنظيفهم دورياً بالفلاش أو الكلوركس أو (wcNET ) هذا منتج خاص لتنظيف المراحيض رااااااااائع
ننظف مروحة الشفط حقة الحمام ضروري أقل شي كل 3شهور والشباك
الحنفيات إذا عليها ترسبات أولا شوفي نوع الحنفيان إذا هي نحاس يبي لها منظف خاص بالنحاس
أما إذا هي ستانستيل فهي سهلة بس رشي عليها شوي جف وأدعكيها أو من بخاخ الفرن وأتركيها ربع ساعة أو أكثر وبعدين نظفيها بالأسفنجة والصابون وتطلع تبرق
وإذا حوالين الحنفية تكلسات خذي عود براسه قطن وحطي فيه شوي فلاش وأمسحي حوالين الحنفية وإنتبهي ما تلمسين الحنفية نفسها بس على المغسلة أو كرسي البديه الخزف
إذا الجدار اللي عليه الدش والبانويوا مليانين دهون ماعليكي إلا ترشي من بخاخ الفرن أو تدعكينه بجف وبيطلع يبرق
وفيه بخاخ خاص للقيشاني من موبي برضوه رائع
إذا في الحمام خزانات رتبيها وأمسحيها من جوى وأفرشي في أرففها مناديل من لفات الرول وكل فترة غيريها
وإذا تحت المغسلة دولاب إنتبهي لا تتجمع فيه رطوبة أو أوساخ أحرصي على تنظيفه وتجفيفه حتى لايكون مرتع للصراصير والروائح الكريهةوإذا مغاسلك عادية أنتبهي من أنك تتركين أسفل المغسلة دون تنظيف وإذا أنتي عندك مغسلة قديمة ولافكرتي تنظفينها من زمان أقول لك روحي الآن ورشي عليها شوي جف وأدعكيها لحد ماتطلع تبرق عشان يسهل تنظيفها اليومي
أو أمسحيها بفلاش بس ألبسي كفوف وإنتبهي لعيونك
ولا تنسون وصلات الموية (الليات حقات المغاسل والسخاناتةالسيفون 00000000الخ) تراها ممكن كل فترة تمسحينها عن الغبار
ثانياً0000000000000
نجي للتنظيف اليومي العادي واللي بيكون سهل جدا إذا خلصنا من التنظيف العميق
أولا هاتي علبة (حقة تعليب التمر أو الأيسكريم الكبيرة إذا عندكأو سطل صغير منة أبو ريالين)
حطي فيها المنظف اللي تستعملينه 000000000
أنا كنت أول أحط في العلبة هذي ملي مقاس الدواء فيفادول) مرتين صابون ومرة كلوركس وأحط عليها 3كاسات ماء
والآن أستعمل الجل العملاق
أحط منه ملعقتين كبار على لتر ماء
وأستعمله أغسل فيه حماماتي الأربعة ومغاسل الرجال ومعودة الخدم إذا جوني على نفس الطريقة
أقوم بغسل حمامات الدور الأرضي أبدا بحمام الرجال وأدعكه ومغاسلهم وأتركه وأروح لحمام النساء وأدعكه
ثم أرجع لحمام الرجا وأشطفه بالماء وأشطف المغاسل وأجففها بالفوطة زين
يعني كرسي الحمام أمسحه من برى وجوانبه كلها لين ينظف ويصير يبرق وأجففه عشان ما يطلع عليه أثر قطرات الماء
وكذلك المغاسل أمسح المرايا قبل واللبمات اللي فوقها حسب الضرورة
ثم أجفف المغاسل من فوق وتحت وألمعها ولا أخلي أثر لقطرات الموية أو أي أوساخ تتجمع على جوانب المغسلة وأو تحتها
لأنه صراحة أشوف ناس مايهتمون بهذي النقطة المغسلة تبرق من فوق بس إذا نزلت راسي أحط شي بالزبالة لين المغسلة عليها خطوط من الوساخة من حد ورد ما منظفوها
وإذا أنتهيت أروح أشطف حمام النساء وأسوي نفس اللي سويته في حمام الرجال
وحتى الأرضيات لازم تحافظين عليها جافة حتى لو حمامكم عربي إسحبي الماء بالمساحة وشغلي مراوح الشفط لين يجف الحمام
ونفس الحكاية مع باقي الحمامات وصدقوني الكمية اللي حطيتها تكفي ويبقى منها بعد
ومضة 00000000000
الحمام ليس لأنه مكان لقضاء الحاجة معناته ما نهتم بنظافته ولا ريحته بالعكس
لازم ننظفه باستمرارخاصة إذا عندك ضيوف ومعهم أطفال لازم كل فترة تطلين على حمامك وتشوفين إذا يحتاج إعادة تنظيف(إذا عندي ضيوف نايمين عندي كم يوم لازم كل وقت صلاة أروح أغسله غسيل كامل) وإذا عندي عزيمة كل مالقيت فرصة رحت وشييكت عليه
نضيف له بعض قطع الصابون والتحف الخاصة للحمام والدعاسات ستارة للبانيو أرفف لحفظ بعض الأشياء اللي تستعمل في الحمام
يجب أن يكون فيه مناديل خاصة للحمام
أحرصي على توفير أكياس علقيها خلف الباب عشان لو جت وحدة تبي ترمي بامبرزولدها تحطها في كيس وتقفله ولا يطلع روائح
وضع بعض معطرات الحمامات
على العموم أنا أقييم المرة السنعة والنظيييييييييييييييفة من مطبخها ومن حمامها