انا مثلك موظفه وعندي اطفال وافكر استغني عنهم وبقووووه الله يغنينا بغناته
ولاننسى الذكر سبحان الله والحمدلله والله اكبر 33
والإستعانه بالله
ومن ثم توفير الأجهزه وتعويد الأطفال على الترتيب والمساعده
وعلى قولتك الأجانب مستغنين عنهم وهم موظفين
فعلا خلنا نرد على جشعهم وطمعهم ومشاكلهم بإستغناءنا عنهم
بس اقول الله يقوينا ويعينا ونشد من عزيمة بعض..

اشتري كل الاجهزه اللي تريحك في الشغل ونظمي يومك ووقتك ولاتنسي تقولي قبل النوم سبحان الله والحمدلله 33مره والله اكبر34 تساعدك ثاني يوم تصحي نشيطه ووقتك منظم

غسالة المواعين وغسالة الملابس الاتوماتيك مع المجفف الحراري والكوايه الكبس
واممممممم فيه اشيا كثيره بس ماتحضرني

يارب يسلم كل من ادلت بدلوها
ولا يحوجها لأحد
بس الموضوع مهم
يعني ثقافة مجتمع
كثير من المجتمعات الأخرى ماخذين فكره شنيعه عن الخليجيات بشكل عام
اننا ما نسوى شي من غير الشغالات
اي نعم احنا وصلنا مراحل مستعصية في الإعتماد عليهم
مثل
حتى كاس المويه نناديهم عشان نشرب
متى تحسي بوجودك في بيتك
وتشوفين لمساتك في اركانه
انا عني كنت اموت بحسرتي لما ادور على الأغراض وما القاها
اضطر اسئلها
بعدين الموضوع ذو شجون
بمعنى
طبعا كلامي ينطبق على كثير متأكده الا من رحم ربي
في بيتك زوجك منعزل وعصبي وعبادتك مو قد كذا
وكل مالها والكيلوات تزيد
والفجوه بين اهل البيت تزيد
اربطي هاذي المواضيع بالشغالات
طبعا الا من رحم ربي
ما نعمم
بالنسبه لي راح اسرد معاناتي في موضوع آخر ان شاء الله
بس بقولكم
اختي تعبانه مره
من كل النواحي
في الأخير قالو لها احتمال ورم في الرحم
غير الملحمة اللي هي عايشة فيها
الله يفرج همها والمؤمنين والمئمنين
دايما اقولها مو يمكن الشغاله
تقول لا هي طيبه لها سنين عندي زياده عن عشر سنوات
والله ثم والله انه قبل امس دورة في مكان في البيت ولقيت كمية مهوله من الأعمال في بيتها وصور عيالها وحاجات غريبة وارسلتها للهيئة
هيا والذكيه تتعض
لاتنسي هي ثقافة مجتمع ورياضه واكيد عباده اذا احتسبتيها
بس كمان اذا عندك نفس الأعراض وخصوصا انعزال الزوج وما يعجبه شي
قومي انفضي عمرك وقلبي بيتك تمام واستخيري وشوفي ايش افيد لك
احنا هنا نفيد بعض وانا شخصيا تعلمت من عالم حواء اللي ما علمتني امي الله يرحمها ويرزقها الفردوس وجميع موتى المسلمين
وبدوري احب افيد بتجربتي واكيد اذا سمحوا لنا الحوائيات وحده تبادر وتسوي لنا حملة معتبرة لمقاطعة الشغالات
عسى الله يحرم وجيهنا من النار ويطهر بيوتنا من كل ما لا يرضي الله
والسلام عليكم

جزاك الله خير اختي على هذا الموضوع المهم جدا جدا من وجهة نظري واحب اقول ان الاتكالية والكسل هي اساس استقدام الخدامات وتحكمهم فينا وبالذات نحن في الخليج لان في جميع الدول لايتم استقدام العاملات كما يوجد لدينا ....
ايضا السبب الاخر عدم التنظيم وعدم توزيع المهام ..
لو كل فرد من افراد الاسرة عرف ماله وماعليه وماهو الدور المطلوب منه في هذا المنزل لما عانينا وماحتجنا لهن في بيوتنا .
انا مثلا اذكر تجربتي واستغنائي عن الخادمة ، وفرت جميع الاجهزة التي تعينني على الاستغناء عنها مثل : الغساله الاتوماتيك مع المجفف ، غسالة للصحون ، مكواة الكبس ، مكواة البخار، الميكرويف ، الفريزر الارضي .والمكنسة الكهربائية .
لدي من الابناء خمسة ، اربعة بنات وولد وزعت عليهم مهام العمل بالبيت ، كل مسؤول عن تنظيف غرفته من والى تمسيح كنس ارضيات تنظيف شباك ترتيب دولاب غسل لحف سريرة ، بالنسبه للحمام الخاص بهم فانه كل يوم على احدى بناتي خصوصا انهن اثنتيان كبار واثنتين صغار فالكبار هن المسؤولات عنه . بالنسبه للباقي البيت فانه يوزع علينا جميعا خصوصا ان بيتي كبير فيلا دورين وملحق ، بالنسبة للدور الارضي والذي هو قسم الضيوف فهو ينظف اسبوعيا كل يوم اربعاء وايضا موزع بيني وبين بناتي واحدة تكنس والاخرى تمسح وواحدة تنظف التحف وتنفض الكنب والستائر ومن ثم يتم تبخيره تحسبا لاي ضيف طارئ ، بالنسبة للدور العلوي بعد اهتمام كل فرد بغرفته كاملة يتبقى المطبخ والصالات الصاله يتم كنسها صباحا وتمسيحها قبل الخروج من المنزل وغالبا انا من اقوم بذلك لاني استيقظ قبل الموعد المحدد بساعه انظف الصاله واحضر طعام الافطار واجهز بناتي الصغيرات واحدة للروضة والاخرى في الابتدائي اما الكبيرات فكل واحدة منهن مسؤولة عن نفسها بعد الافطار يتم تجميع كل الطباق ووضعها في غسالة الصحون وتمسيح طاولة الطعام على السريع والخروج كل على دوامه او مدرسته احدى بناتي الكبيرات تعود مبكرا للبيت تقوم بتجهيز طعام الغداء للبقية وغالبا كل شيء موجود بالفريزر او الثلاجة ولو صنعت شيء فيكون سلطة او رز ابيض ، انا بالعادة عند طبخي اكبر الكمية واقسمها جزء نتناوله وجزء افرزنه سواء كانت محاشي او مكرونه او كفته او كباب او مسقعة ....الخ
ودائما احتفظ في الثلاجة بكشنة جاهزه في اكياس صغيرة ، وافخاذ دجاج مغسولة ومتبله سواء للصواني اولعمل البروست ، ايضا صدور دجاج نظيفة ومقطعه لاي صينية او للشاورما او لعمل سندوتشات ، خضار مغسله ونظيفة ومجمدة ..
هذي استعداداتي للمطبخ ، انا اعود للمنزل الرابعه والنصف عصرا يادوبك الحق على بناتي الصغيرات اذاكر لهم وبعدها قهوة المغرب ومن بعدها اكمل اي اعمل متبقي احيانا اغسل الملابس احيانا يكون كي الملابس والمطبخ اول باول نظيف واي شخص يستخدم شي ينظفه ويرجعه مكانه ، لي اربع سنوات بدون خادمة والحمدلله مراتاحة ، اذا لدي شغل عميق او متعبه احضرت عامله بالساعات ليوم واحد وتنهي عملها وتذهب .
الان انا حامل ولدي مشاكل في الحمل احضرت لي خادمة مؤقته عن طريق اختي والحمدلله وله المنه ان وفقني فيها فهي بنت حلال ، ايضا بناتي يقمن بمساعدتها فانا عودتهن حتى في وجود الخادمة كل مسؤل عن غرفته وتنظف مكانه ان الخادمة للمساعدة وليس للاتكال عليها في كل شي ..
هذي تجربتي واعذروني على الاطاله