كل يوم قبل النوم ، شيلي المنفضة اللي على شكل ريش نعام و نفضي الادراج و الدواليب و الكنب بحركة سريعة ،، و بعدين خلي عندك دائما مناديل مبلولة اللي تلاقيها في محلات ابو ريالين اشتري لك خمشة منها ،، و خذي لك منديل و مسحي بحركات سريعة ،، و غرفة النوم بنفس الطريقة ، نفضي و نظفي بالمنديل و بعدين جيبي مكنسة الكهربائية و كنسي ،، و اذا شفتي الارض مبقعة مسحي السيراميك مكان البقع بس ، و في الاسبوع مرتين امسحيها كلها ،،
و دخلي الحمام الله يكرمك بالموية شطفي الحمام وكبي شوية ديتول على الارض و اشطفي الموية ،،
و المطبخ رجعي الصحون المغسلة للادراج ، و غسلي الصحون الوسخة كلها لا تخلي و لا شي على المغسلة و كنسي ارض المطبخ ،،

و لما تصحي الصباح قبل الدوام ، صلحي له كاسة كافيه و على بال ما يبرد ، تكوني غسلتي وجهك و فرشتي و رتبتي بس السرير لانه من الليل تكوني منظفة الغرفة ، و توكلي على الله و روحي لوظيفتك ،، و لما ترجعي البيت تلاقي كل شي نظيف ، و اللي فوق كله ما يأخذ منك اقل من ساعة ، لانه لما تنظفي كل يوم ما تتوسخ الاشياء و تكون نظيفة ،،

و نجي دحين للطبخ ،، انا بعد المغرب اطبخ لليوم الثاني و بعد ما ينطبخ اغطيه كويس و احطه في الثلاجة و لما ارجع من الدوام اسخنه ،،

و بالنسبة للغسيل الملابس اغسلها مرة في وحدة في الاسبوع و اكويهم اليوم اللي بعده ،، اغسلهم الاربعاء و اسيبهم ينشفو اليوم الثاني خميس عندي نص دوام ، أرجع من الدوام و اكل و انام و لما اصحى امكويهم ،،

و بالنسبة لغسيل الحمامات مرة وحدة في الاسبوع ،، احدده في اليوم اللي احس لازم الحمامات تتنظف تنظيف عميق ،،

و على فكرة ما عندي اطفال ،، انتو تقدور ترتبو نفسكم بأي طريقة تشوفوها مناسبة بس حبيت اوضح لكم طريقتي يمكن وحدة فيكم تستفيد منها ،، يعني بعد المغرب لين الساعة 11 اجلس فيها مع زوجي بعد ما اطبخ و اخلص و لما زوجي يدخل ينام ارتب البيت بسرعة زي ما قلت لكم و الحقه ،،،

و كما ن تقدري تطبخي لكذا يوم اكلات ما تخرب و كل يوم تسخني ، أنا احيانا اسوي 3 اكلات ل 3ا ايام ،، و ايام اشتري من برة لما ما يكون لي نفس للطبخ و احيانا نسوي مثلجات همبرجر و بطاطس و رز و كده ،، و بالتوفيق ،،

و احرصي بالمرة انه بعد كل وجبة ما تخلي صحنة غير نظيفة ، نظفي اول بأول عشان ما تتراكم الصحون و قبل النوم شيكي لو في شي ما غسلتيه اغسليه و بعدين نامي ،،

واهم شي يخلي البيت مرتب ، اي شي تشيليه رجعي مكانه , و علمي زوجك كمان ، اول ما ندخل البيت نحط الجزم في الجزامة و لما نقوم من الجلسة نرجع المخدات الصغيرة على الكنت و كمان اي كاسة نشيلها و نغسلها ، و المنشفة ترجع مكانها و الملابس ما تتقربع في الدولاب ، اخذ مني وقت طويل عشان اعلمها لزوجي و دحين الحمدلله صار يساعدني ،،

السلام عليكم اخواتي في الله 
وأسأل الله ان يعينني ويعينكم على الجهاد في هذة الدنيا والاستغناء عن الخادمات فوالله انهن بلاء عظيم كفانا الله وإياكن شره...
اخواتي في الله لا تجهدن انفسكن باعمال المنزل فانها لا تنتهي وان لبدنك عليك حق فانه لا يضر ان تكاسلتي يوم واكملتي بعد ذلك فلا يوجد شيء كامل على وجه الارض ولا تقارني نفسك باحد ما فكل انسان وله طاقه محدودة ، ايضا دعي التكلف في كل شي فهو ماصبح ينفر الناس من بعضها البعض ، ودائما استعيني بالله وتوكلي عليه فهو المعين ولا تطلبي المساعدة من سواه ، 
تحياتي لكن اخواتي 
نسيت ان اخبركن فانا الان متقاعدة عن العمل لي ثلاث اشهر لاني احببت ان اتفرغ لبيتي وابنائي وان لا احوج نفسي لاي شخص كان اعانني الله واياكن على هذة الدنيا . 
تحياتي 

بكره بيبدا الدوم الله يكون في عوننا على العمل في البيت وخارج البيت

ماشاء الله تبارك الله عليكم بصراحه ماقدرت اطلع بدون ماارد بس انا مع الاخت ام ذكرى بدنك له حق عليك هذا مايمنع انو الوحده تنظف وترتب بس بالمعقول عشان مايجي وقت وتخور قواااها بس في شغله اللي عندها اطفال وماحد يمسكهم ولا في حضانه اطفال وش تسوي مضطره الله يعينها

ياختي كل واحدة ادرى بظروفها واللي مظطرة مافيه شي يمنعها بالعكس الضرورة تبيح المحضورات .. بس يوجد الكثير ممن تستطيع الاستغناء عن الخادمة ولكن تتخيل انها مستحيل تقدر تعيش بدونها ... انا اسألك بالله هل كل من لديهن خادمات لايستطعن الحياة بدونهن وانهن ضرورة لابد منها ؟
يوجد من هي مريضة او سيدة كبيرة في السن او لديها طفل معاق هن احوج للخادمة ممن لا تحتاجهن الا للتنظيف والترتيب والواجهه الاجتماعية وعلشان تريحها من هم العيال وكرف البيت .. وبعدين تقول الشغالة وسخة ماهي نظيفة وما تسوي شي ، طيب انتي وينك ، وشهو دورك في بيتك ، بناتنا اصبحن لا يفقهن شي في بيوتهن ولا كيفية استقبال الضيف واكرامة بل العاملة هي من تقوم بكل ذلك ..