اختي حبيبتي كل مشكلة ولها حل باذن الله روحي لطبيبة جلدية لا تتركي نفسك للاوهام :39:

أول شي يا قلبي قوليلي أنتي من وين
عشان أقدر أساعدك

بعدين لا تخافين أنشالله بنلقا لج حل مع بعض

جربي الرابط مالي اللي فيه خلطة العروسة
بس أنا عن نفسي فتحت معاي وايد ووصلت للون اللي أبيه و الحين قاعدة أفتح جسمي

و عن الدكتور الجلدية أنا رحت حق أكثر من واحد قالولي أن السبب السمنة و الاحتكاك و في بعضهم عطوني كريمات بس مانفع معاي


و اذا على الزواج أنتي خايفة لا تحاتين لان في أشياء أهم عن الزوج من البياض و السمار
و أنتي شنو اللي يضمن لج أن اللي بتاخذينه كل جسمه لون واحد
خل يحمد ربه بس أنج جامعية و بنت ناسو مافيج شي عشان يتضايق منج و صدقيني أغلب الرجال و هذا على كلام زوجاتهم يهمهم النظافة أكثر من السواد
و اللي يشتري أنسانه مايطالع هالسوالف
و اذا كنتي تبين تتعالجين خلي العلاج حق نفسج مو حق شي ثاني
عموما جربي سنفرة العروسة لان الحمدالله جابت نتايج مع ناس وايد و اذا مافادت جربي الخلطة اللي في الرابط الثاني من وحدة أسمها أم راشد
أو قوليلي أنتي من أي دولة اذا من الكويت راح يكون علي سهل أساعدج شخصيا
و لا تخافين
أحنا كلنا معاج

و على كلام أختي نور الحسن مو كل المتزوجات بيلضهم ناصع بكل جسمهم


شوفي و راجعيني عالخاص و أنشالله ماراح أخليج إلا و أنتي سنووايت من البياض
و بعدين في شغلة المفروض تسوينها أنتي لازم تصارحين أمج عشان تقدر تساعدج و الأم مهما يكون قلبها عليج و لا يمكن تفضحج أو ماتساعدج

اختي العزيزة
انصحج تكلمين اختج القريبة منج او وحدة من صديقاتج
وموشرط تعلمينها بكل اللي فيج ....لا ...قوليلها مثلا :عندي الام اسفل بطني وودي اشوف دكتورة
منها راح ترتاحين شوي لما تعلمينهم(مجربة) ومنها تتجرأين اكثر لروحة الدكتورة
وحطي ببالج انها روحة وحدة بس ان شاءالله تكفيج معاناتج كل يوم وتروح همومج
والله ياختي عندي بنت خالي قالتلي ان عندها الام بالمقعدة ويطلع احيانا قطرات من الدم وهي بعد شهر بتتزوج
اقنعتها انها تروح تفحص نفسها عند دكتورة ... وكانت خايفة بالبداية بس انا اقنعتها ان هالشي في مصلحتها بعدين
والحمدلله راحت بدون مايدري عنها احد
وقالت لها الطبيبة ان فيها بواسير وعطتها علاج ......والحمدلله
توكلي على الله وروحي لدكتورة واذا كنتي خااااااايفة ..جربي تنظفين هالمنطقة بالاول تشيلين الشعر وتنظفين بالماء والغسول
يمكن هالشي يعطيج دافع وثقة انج تروحين
واتمنى لج التوفيق والعافية

اختي مثل ماقالولج البنات وكلام عطر المحبه عجبني

هذا تصبغ بالجلد وحاله بسيطه صدقيني بس انتي مهمله بعمرج وحتى لو رحتي لطبيبه ماراه تطلب الكشف راح تعطيج ادويه وتراجعينها وحتى لو طلبت قوليلها ماقدر استحي شالمشكله؟

وبعدين سمعي نصايح عطر المحبه كلها صحيحه ولاتحطين اي شي غريب ايااااااااج فيكس او ديتول او اي صابون تحطين هناك من اي نوع كلما استخدمتي صوابين او مواد مطهره راح تزيد المشكله

وشي ثاني لاتستخدمين ورق حمام للتنشيف نصيحه وللكل هذي اشتريلج فوط صغير ملونه وتبدلينها باستمرار لان ورق الحمام يسوي جذي بعد

خلج بس على الماي العادي والملابس الداخليه القطنيه بس حتى الفوط الصحيه استعملي بس القطنيه الاولويز لالالالالالالالالالا

بس الافضل تروحين لطبيبه ولاتستعملين اي وصفه غريبه واكثر عن الجليسرين والليمون لاتجربين ماراح ينفع واذا المنطقه متهيجه راح يتعبج اكثر الليمون

روحي لطبيبه ولاتعذبين روحج اكثر :)
والسالفه بسيطه بشكل ماتتصورين مجرد جلد ومتهيج بس بمكان غير مكشوف ومايوصله الهوا بس وترى قلة التهويه تعقد الامور

اسمحولي تاخرت عليكم.. :27:


القلب الحنون
تكفيني دعوتك وان شالله اطمنكم
وقت النجوم
ان شالله استفيد مثل صديقتج والله يوفقها مع زوجها يارب

نور الحسن2
معك حق بس والله صعب اذا كنت انا كارهه اللي فيني ..شلون زوجي بتقبل هالشي.؟؟؟
توته 2005: ان شالله الغالية

الخنساء : من عيوني..

Yam_ yam
: حبيبتي ان لو كنت اعاني من السمنة الله يستر شو كان بصيرلي ..؟؟ هذا وانا اعاني من النحافة صايرلي كذا (45 كجم)
حبيبتي انا من مسقط وعمري ماشفت هالكريم بالمراكز اللي عندنا لكن بدور عليه وان شالله احصلة.. تدري ضحكتيني ..عارفه ان العريس مو كامل والكمال لله ... بس لازم احب جسمي بالاول قبل لا يحبه العريس..

khaleej spirt;
فكرتج حلوة خصوصا ان عندي اثار حب الشباب بظهري ... ولازمني دكتورة جلد؟؟

جويل:
حبيتي عندج حق باللي قلتيه لكن صعب اتحمم وما انظف المنطقة الا بالماي؟؟؟


وبصراحة اشكر الجميع اللي ردوا علي واللي ماردوا...
واحس انكم اقرب من اختي..


يابنات ترا جزء من بداية تكون معاناتي وكرهي للمنطقة الحساسة والزواجة تكونت وان صغيرة في بداية بلوغي..(13 سنه)

لان عندي الافرازات البيضا ..ولاني صغيرة ماكنت ادري شو هالشي الغريب اللي يطلع لي واعتقدت ان فيني مرض غريب او بالاحرى خطير...
وبعدها قلت اكيد يصير لي كذا لان عندي عقم ولما بتزوج مابقدر اجيب عيال؟؟؟ :(

ومرة شفت عند اختي كتاب هموم البنات ومن ضمن العناوين اللي عالغلاف (الافرازات)

توني امسك الكتاب ولما شافتني اختي اخذته من يدي ورجعته لصديقتها قبل ما اقرا اللي بداخله؟؟؟؟
والله يابنات اني عشت كابوووووووووووووووس بسبب شي تافهه وللاسف ممكن الموضوع يكبر اكثر اذا حاولتي تطلعين بلحظة غضب هالاشياء (الغريبه) من جسمك شو ممكن يصير وانتي طفلة ماتدري شنو يعني غشاء البكارة:

امانه احملكم اياها ..اذا عندكم خوات بسن البلوغ ..لازم تفهموهن شو اللي يصير لهن وانهم اذا عانوا من الافرازات فهي شي طبيعي ..ولا تخلو معاناتي تتكرر...

والله العظيم اني حبيتكم من قلبي.. والله ثم والله اني احسكم قريبين مني...

احبكم في الله ... والله يوفقكم
اختكم انا وين