موقففففففف لا أحسد عليه

موقففففففف لا أحسد عليه

رحت للكلية على غير عادتي في الأسبوع الأخير قبل الامتحانات،لأن هذا الأسبوع بذات أعده من الإجازات المفضلة لدي ،أنواع الفله
وسعت الصدر ، تعرفون عاد أيام المذاكرة يزين كل شي حتى النشرة الجوية ما يفوتني منها شي وخاصة الحلقه الأخيره المهم جيت أنوم من طفاقتي نسيت أقفل جوالي اللي يشوفني يقول من سنه ما نامت 24 ساعة ألا نص نايمه، تسألوني ليه النص علشان ما تفوتني الأحول الجوية , المهم دق جوالي ولها صديقتي إيمان مخترعه تقول سواقنا صدم بالسياره واقول بلا من طفاقته وش صار لكم عسى ما أخترعتم؟؟!! بالله عليكم هذا سؤال ، إيمان مهيب يمي تقول السيارة حطوها في الورشة ولهيب طالعه إلا بعد اسبوع وقلت لها وبعدين؟ قالت الامتحانات بعد اسبوع ماراح أقدر أجيب الجدول قلت بسيطه أجيبه أنا قالت تبين تروحين لحالك؟قلت على الاقل استريح من اريج وألبس على كيفي لأن أريج ماتطيع تخلين أمشي معهم إلإإذا كنت كشخه .!وأقعد اتكشخ وألبس أحسن شي وألبس الساعة ب25 ألف وخاتم الماس
وألبس بلوزه بيضاء فيها ورده زرقاء على لون فص الخاتم وعين الساعة ، أبغى اعلم أريج أني اعرف أتكشخ هههههها، وأروح أتمخطر في الجامعة
والكل يناظرني ويتعجب وأنا معاد اقدر ازود من الموقه ،بس منقهره كنت أتمنى لو كانت أريج فيه علشان تشوف كشختي ، وأروح أفرفر في ذيك الأسياب ماخليت سيب ما رحت له أسئل عن الجدول خبركم الاخت مالها في ذا السوالف لان الجداول والتخطيط تخصص إيمان ، المهم لفت انتباهي نضرات الناس علامات التعجب والدهشه لدرجه إن بعض البنات يوقفون ويطالعوني، بس قلت الله لا يلومهم منبهرين من كشختي ، وشي ثاني لاحظته على كثرت فرفرتي ألا أني ما حسيت بالتعب وأمشي مبسوطه ماحد قدي المهم يوم جيت أطلع رحت اللبس شرابي وهنا تحدث الكارثة !!!!!!!!!!!!!!!!!!!!!!!!
لابسه ""زنوبه تليك "" بس لا تزعلون كانت بيضاء وسيرها أزرق يعني كشخه بسبق الاصرار والترصد ، عاد أنواع الفشيله وطاح وجهي وأقعد اللقط فيه على حبه حبه أنا بس وش لقفني أروح كان قعت اناظر الاحوال الجويه ابرك لي من الفشششششششششايل .



على فكره نسيت أقول لكم ترها من خنابيق أفكاري .