موقفي مع .......... صدقوني لااحسد عليه ......ولن تنسينه الأيام

السلام عليكم ورحمة الله وبركاته


حبيباتي هذي اول مشاركة لي في المنتدى

بصراحة انا ما كان ودي اكتب الموقف اللي صار لي والله العظيم

لكن حبيت انبه ان فينا من يستعجل في الكلام وما يتركد قبل لا يطلع الكلمة وانه

ما يحكم على الناس من الشكل او المظهر بصراحة مريت بموقف مرررررره محرج جدا بالنسبه لي


واليكم الموقف الذي لا احسد عليه ....

حبيت في يوم من الأيام ازور واحده من صديقاتي كان لي فترة ما زرتها المهم دقيت عليها وقلت لي
الله يحييك عاد انا رحت لها ويوم دخلت بيتها شفت وحده قاعدة تمسح لها السجاد وتلم بعض الأشياء
المهم شافتني الأدمية وراحت وكانت بشرتها من النوع الشديد السمرة المهم جلست صديقتي معي وبدائنا في السواليف راحت تقولي ان اهل زوجها موجودين عندها هي ما قالت لي في التلفون انهم موجودين عندها قالت كنت اخاف اقولك تهونين ما تجين عاد اهل زوجها ما جوا عندي قالت انهم منحرجين يطلعوا لي بعدين راحت صديقتي وجابت القهوه ومع السوالف تطرقنا الى الشغلات
قمت من اللقافة الزايدة وسئلتها الشغالة الموجودة عندك لك وإلا لأهل زوجك المسكينة تفاجأة من السؤال قالت لي اي شغالة قلت إلي شفتها قبل شوي ما امداني اكمل إلا والبنت طلعة لنا قلت لها هذي
قالت الله يسامحك وراحت فيها ضحك لدرجة انها ما قدرت تتكلم وتوضحلي إلا بعد فترة وقالت لي ان البنت مو شغالة وانها بنت اخت زوجها والله واقسم بالله اني وقتها حسيت بدوخة من الأحراج وما عاد قدرت اتكلم وقمت اعتذر لها واتأسف ولكن هل التأسف ينفع بعد ان طلعة الكلمة ووالله يبنات ان ام البنت جت بعد فترة من كلامي لصديقتي علشاني تأخرت عند صديقتي فا قالت عيب ما احد يروح عندها تخيلوا سألت صديقتي وامها موجودة ايش بيكون ردة فعلها .....
والله اني جلست احمد الله اني ما قلت الكلام اللي قلته قدام امها ورحت اقول لصديقتي تكفين لتقولين لزوجك عن اللي صار ووعدتني خير ...... ووالله اني ندمت ندم اني سألتها ..بس عشان صديقتي واولادها بشرتهم مو مثل البنت علشان كذا توقت انها شغالة ....

بنات في احد تعرض لمثل هذا الموقف مثلي .؟؟؟

والله اني من يومها وانا احاول اني اتركد وش دخلني شغالتها وإلى شغالتهم<<< لقافه وبس



اسأل الله لي ولكم الجنة