بنورك والله صدقتي الله يعين

اكيد المظاهر خداعة
الله يسعدها ويسعدك

وفاة ابو زوجي
اثرت فيني سلبياً والله بنجن من تفكيري صرت اوسوس كل يوم اصحى انتظر خبر وفاه صرت ما اثق ان عيالي بيعيشون ولازوجي ولاحتى اهلي
اعوذبالله صرت احاول اتأقلم على خبر الموت وانو بيجي يوم اصحى احد منهم ميت
صرت اذا اندق الباب انفجع انتظر يقولون لي مين مات لو اسمع بزران يصيحون اسمعهم حريم يصيحون على احد مات((صرت مجنونه الا شوي والله😭


وربي اول مااصحى من النوم احمد الله ان محد مات لليوم


مرت سنه وهالتفكير السلبي ملازمني


يوم الوفاه كان بالفجر وتوفى بالمدينه ولازم عياله يسافرون له


كنا نايمين وماندري ويدقون ومانفتح والجوالات بالصاله ولازم زوجي يسافر معهم وباب البيت الاحتياط يعرف مكانه اخو زوجي دخل البيت ودق باب غرفة النوم وينادي على زوجي بصوت عالي
صحينا مفجوعين كنت عارفه انو احد مات بس انتظر زوجي يلبس ويفتح مرت علي الثواني كانها ساعات بنجن عبالي امي ولاابوي بعيد الشر لان اخوه كبير كيف يدخل بيتي ؟ويدق غرفة النوم؟؟ اكيد احد من اهلي مات لان صوته كان شديد ومافي بكا وكذا
ولما فتح الباب قاله ابوي مات كذا عطاه بالوجهه
عاد ماحكيلك عن اللي صار لنا بذاك الصباح مادري ماقدرت اقرب من زوجي واطبطب عليه جيت بقوم من السرير جتني ام الركب وطحت والصياح وصل بيتي شوي الا امي تدخل وخالاتي ((لان اهل البيت بالمدينه)صفقو عقلي بالصياح جننوني قسم بالله وسلفتي تصير بنت اخوه صارت تصيح صياح يفجع ويغمى عليها ويرشون وتصيح ويصيحون اول مرره يموت لي شخص عزيز المناظر والاصوات قلبي كان بيوقف جلست بالحمام اتروش وابكي كيف كذا وش هذا؟اشبهم كذا ليش مانهدي بعض ليش الغريب مايواسينا ليش يصيحون حتى الناس البعيده بعدين كنت احبه مرررره ويبتسم وماعمره شافني بدون مايبتسم لي ويجلس لو ثواني يسولف معي وكان يمدحني قدام زوجي ولما تجيه فلوس يوزعها على عياله ويعطيني معهم واي شي يشتريه لبيتهم يشتريلنا منه الله يرحمه مات ساجد وبالمدينه ♥️♥️😭الله لايذوقنا ولايذوقكم فواجع الاقدار وصرخات الفقد

انا وثقت في ناس وكنت معتبرتهم اخواتي ومكان امي واكتشفت ان قلوبههم حقوده يتكلمون في ضهري كلام حقد ماتوقعت وصلت بهم المواصيل يفرقو بيني وبين زوجي وعندي بنات ولا همهم

موقف سوته اخت زوجي كنت معتبرتها صديقه بس بعد موقفها كرهتها ومااطيق اشوف وجهها الموقف هوه كان عند اهل زوجي ضيوف وذبحو لهم طبعا زوجي عندهم ن الصبح وماحكى معي وقال انه فيه ضيوف وعزيمه المهم اجا وداني عليهم كانوالضيوف رايحين ...اجت اخت زوجي الكبيره ياقلبي حطت اكل لي ولاولادي لاني ماحضرت الغدا واسمع اختها الثانيه زعلت ليش تحطلي اكل لاني مااشتغلت معهن سمعتها تقول بصوت عالي ليش تحطي لها اكل ليش تحطي لها وهذي تقول لها اسكتي قالت لا مش ساكته ...انااللي قهرني واندم عليه اني ليش مارديت عليها والله كل مااتذكر هالموقف انقهر