موقف تمنيت اموت ولا يحصل

السلام عليكم
مالكم بالطويلة بدخل بالسالفه عارفين وضعي وإني عند اهلي ووو
دق زوجي قال تكونين جاهزه وبأخذك قلت ليش قال بنتفاهم قلت وبيت اهلي قال لا ببيتي أفضل
طبعا الكلام 9بالليل
قال ابوي تطلعي احش رجولك ع ايش تروحي يتفاهم هنا مايكفي طلعنا وطلعك غلطانين وماله حق يسوي كذا انتي المفروض تزعلي
وحط كم احتمال انا سكت قلت بروح أتفاهم ساعه واجي قال لا
صار 2بالليل قال عند الباب قلت لأبوي مع السلامه
قال سلامات اخر الليل ليه حاقرك كذا الوحده تروح لزوجه بعد النفاس (مالبست ولا تزينت)
قلت بنتفاهم واجي
سبقني ابوي وطلع سلم زوجي وهو بالسيارة وركبت ابوي عَصّب وفتح الباب بينزلني وهاوشني قدّامه
جاء زوجي بيبعد ابوي عن الباب رفض
رجع ركب السياره بيمشي وأبوي يتكلم معه ع اي أساس تأخذ بنتي تالي الليل هي مو *****
تفاهمً هنا تحسب ماوراه أهل بنتي هذي شعرة قلبي مابيك تضايقه ولا بس بتورطها بولد ثاني وترميه علي ويسحبن بينزلن وزوجي ماسك أيدي زوجتي مالكم دخل اطلعوا من حياتنا فكونا منكم خربتوها علي لك شي خذه بالمحكمه وأصوات بالشارع شي انا جلست أبكي 😭مدري من ارضي مشى زوجي والباب مفتوح
طول الطريق ابكي
وصلنا البيت قال كلمتين تبغين بيتك ولا بيت اهلك
قلت بيتي وقال انا أغليك وشاريك وبرضيك ان شاء الله


وأبوك غلط بحقك وو قلت لو ابوي شايف انك مقدرني وماعبرني ماسوا كذا قال أقدرك عند الناس اللي تقدر💔
وأقول بقلبي يعني اهلي ولاشي عنده
ولانمت من البكاء بينفجر رأسي اخاف ابوي ينجلط بسببي
يوم صار الفجر أرسل يدعي لي وتراي مازعلت منك
احس تطمنت شوي
المشكله مو هنا المشكله بالكره اللي صار بينهم شلون آصفي القلوب ؟وزوجي يقول مالي علاقة فيهم نهائي لااعتذر ولا يعتذرون
واهلي يقولو عساك سعيده والله يسخر لك
رجعت من بكرى لأهلي وهو سافر كم يوم وبيرجع
عاد عند اهلي فكري يودي يمين وشمال
انه كيف رضيت بسرعه وإني طيبه وماعرف اتشرط
ومن هالافكار؟