يووووه وش اذكر ووش اخلي
ماشاءالله لااله الاالله كل مواقفه معي حلوه وتشرف بالحيل

بس عاد بذكر لكم اخر واحد من كم ليله بس

كنت ببيت اهلي مجتمعه مع خواتي وبنات خالي
شوي قالت اختي انا بيجوني بنات المجلس ماابي ازعاج
ورتبته وزينته وبخرته..وشوي دقو الباب وقلطتهم المجلس
شوي جات لنا الصاله قالت لي فلانه صاحباتي يبونك شوي
قلت لها خير ان شاءالله
قمت دخلت المجلس وانا انواع الحيا على بالي صدق صاحباتها
الا وينقز لي هذاك القمر من ورى الباب..زوجي ربي يحفظه مسوي لي سربرايز ولاارووووع بمناسبة عيد ميلادي
من جد كان الموقف روووووووعه وحسيت فعلا كـــأني عروس جديده
طبعا هو فديته كل سنه يفاجئني بطريقه مختلفه بعيد ميلادي
وباذن الله راح يكون لي موضوع خاص مدعم بالصور بمفاجئاته ..كود بعض الرجاجيل اللي ماعندهم ذوق يتعلمون


ومن جد مهما حكيت عن مواقفه الباقيه معي ماخلصت
ادعولي بالعشره الطويله معه وان الله يخليه لي ولايحرمني منه ويديمه تاج فوق راسي

البنات اللي يقولون تبالغون
ترى باقي الدنيا بخير
ومهوب كل الرجال مثل بعض

رفع
يارب فرح همي يارب ولاتشمت بي عدو ولاحاسدا

الله يوفق ويسعد الجميع

اما انا الله يسعده ويخليه لي اخر موقف الصراحه فاجاني فيه في شهر 8 اللي فات( بنات بالله قولوا ماشاء الله ) ..........اخوي كان معرس وحجز شهر العسل لفرنسا والنمسا وسويسرا الا قبل زواج اخوي باسبوعين فاجاني انه حجز لفرنسا وسويسرا والنمسا طبعا بولدي خخخخخخخخخ وسافرنا لمدة عشرين يووووووووووووم كانت زي الحلم الله يخليه ولايحرمني منه ياررررررررررررررب

باذن الله يابنات راح انزل تقرير كامل عن سفرتي لاوروبا في قسم الواحه السياحيه