موقف صارلي بالمحاضره قلبي اعتصرر منه :(

السلام عليكم ورحمة الله وبركاته

اليوم الدكتوره كانت تتكلم عن تربية الاطفال
فسألت كم وحده متزوجه بالقاعه و3 رفعوا يدهم وسألت وحده فيهم كم طفل عندك ! قالت ولد واحد وبرضو الثانيه نفس الشي ولد واحد الله يحفظهم ويجعلهم قرة اعينهم

والثالثه كانت منزله راسها ووجهها محمر وقالت لها وانتي كم طفل يافلانه
قالت ماعندي اطفال وصوتها متغير والكل لاحظ
حبت الدكتوره تلطف الجو وضحكت قالت لها لاحقه يابنتي
وردت عليها رد عصر قلبي وخلى كل اللي بالقاعه ينظر لها نظرة حزن
قالت يادكتورة 6 سنين انتظر الحمل وكانت تبي تكمل كلامها ونزلت راسها ماقدرت تكمل:44:

انا مو متزوجه ولا قد حسيت بذا الاحساس وعساني ما اجربه ولا وحده يارب تذوق حرمان الضنى
ودي اصيح عليها جلست طول المحاضره سارحه وافكر فيها وبحالتها :(

سبحانك يارب ما تأخر شي الا لحكمه فلا اعتراض على حكمك

رب ارزق كل محرومه بالذريه الصالحه المعافاة..
رب لا تذرهم فردا وانت خير الوارثين..
رب هب لهم من الصالحين وبشرهم بغلام حليم..
رب ارزقنا جميعا وارزق المحرومين يا رب العالمين
وارزق بنات المسلمين الازواج الصالحين ،،

قولوا آممممممين