كنت في الحرم وكانت جنبي مصرية سألتني انتي من وين قلت من السعودية قالت الله سعودية ماشاء الله اكيد كل اسبوع تجي للحرم قلت وين اجي كل اسبوع عسانا نجي في السنه حسنه انا من الرياض وتبعد 8ساعات عن مكة قالت وماله قلت ياليت اجي لو مرة في السنه كفايه قالت عيب عليكم في بلاد الحرمين المفروض تيجي يحسبون انا مثلهم والله لو يحصل لي سكنة في مكة بس الشكوا لله..

بصراحه حتى سكان مكه مو كلهم يرحون الحرم لان رجالنا باشغالهم الا اذا الوحده تعرف احد فيروحون الحريم مع بعض بدون رجال مش عمره بس يصلون بالحرم
للاسف احيانا احس اللي بره مكه يزرون الحرم اكثر من اللي بمكه <<<< مو الكل بس اللي قابلتهم لما اسالهم يقولون فين وفين

الحج بالتيسير بس جدتي الله يرحمها كانت تحج كل سنة ما شاء الله تبارك الله ،، بس اخر سنتين من مرضها ما حجت ، و هي كانت مصرة بس امي و خالاتي و اخوالي اصرو ما يخلوها ، يعني تقريبا حجت 60 حجة ،، و كل يومين رايحة الحرم من بيتها 30 دقيقة مشي تروح تزور الحرم و تصلي العصر و المغرب و العشاء و بعدين ترجع البيت ،، و ايام رمضان كانت تصلي التروايح كلها و تروح من البيت و ترجع مشي ،، لاخر يوم في عمرها و ما ترضى تركب الباص او تروح بالسيارة ،، و قبل ما تموت الله يرحمها بعشرة ايام كانت اخر مرة تروح المدينة و كانت معانا و قالت لي بالحرف الواحد يا بنتي شكلي اخر مرة راح اجي المدينة و هي لسه ما كانت تدري بمرضها السرطان ،، و قلت لها يا جدة ليش تقولي كده ، قالت انا حاسة اني اخر مرة اشوف المدينة و بكيت الله يرحمها و لما رجعت مكة اليوم الثاني طلعت الحرم برضه معانا و طافت و خلصت و قالت بروح اسلم على الكعبة و رجعت البيت و طاحت في المرض و عشرة ايام و توفت و سبحان الله طول العشرة ايام تقول ابغى اروح بيتي نقولها انتي في بيتك تأشر على السماء تقول لا بيتي فوق و عيالي هناك مستنين تقول اسماء خالي و خالتي اللي ماتو الله يرحمهم ، و تقول في رجالين بيض خليهم يقعدو ليش واقفين سبحان الله لما ماتت كانت مبتسسسسسسممممممة و الكل ملاحظ ابتسامتها حتى المغسلة تكون ان شاء الله مبشرة بالجنة ،، و صلو عليها في الحرم و دفنت في مقابر اللي بجنب الحرم ،قضت عمرها في الحرم و سبحان الله ربي كتب لها تندفن جنب الحرم ،، و قبل ما تموت قلنا لها تعالي جدة عشان العلاج ما رضت قالت ما اموت الا في مكة ،، معليش طولت عليكم ،،سامحوني