أول شي .. الحمدلله على سلامة الوالد

المفروض تفرحين إنه ما صار شي أعظم من كذا ؟ .. لأن كل مصيبه و فيه أعظم منها.. صح ؟! :)

الحياة يا نبع الأنوثه فيها إبتلاءآت و مصايب أشكااال .. ألوااان .. الأمراض الخبيثه و اللي ما ينعرف لها علاج ! وفاة شخص عزيز بشكل مفاجئ ! أمراض نفسيه صعبه أو إعاقه مستديمه ..... و الحمد لله إن اللي صار موب واحد من هذولي !!

فكل ما جاك التفكير في الحادثه اللي صارت لأبوك .. قولي لنفسك (( يا ربي لك الحمد كما ينبغي لجلال و جهك و لعظيم سلطانك .. أصلاً ما صار إلا خير ... قدّر و لطف سبحانه ..الحمدلله إنه موب شي ثاني )) زي اللي قلت لك عليهم قبل ..

و إذا جتك مشاعر الرحمه و الحسره لما تتذكرين كيف كان الوالد يتألم و يبكي و شكل الساعه و الثوب و الدم و كل هالأشياء تذكري .. إنه ما يصيب المؤمن من هم .. و لا غم .. و لا نصب حتى (( الشوكه ! )) يشاكها .. إلا كفر الله بها من خطاياه :)
يعني الحمدلله ما جا الوالد إن شاء الله إنه تكفير و تطهير ... و أكيد كل إنسان له ذنوبه و أخطاءه .... و عذاب الدنيا و ألمها أهون بكثيييييييييير من ألم الآخره ولا شك !!
تخيلي فيه و حده أعرفها ما شاء الله عليها ... تجها الدوره الشهريه مؤؤؤؤلمه مره !! و مع هذا تقول الحمدلله إن شاء الله ربي رايد لي خير بهالألم علشان أتطهر من ذنوبي كل شهر !! :)

و تذكري إن أشرف الخلق صلى الله عليه و سلم .. الله يجمعنا به في الفردوس الأعلى .... كسرت رباعيته ( أسنانه ) و شجّ وجهه الشريف في معركة أحد ( يعني دخل الرمح في عظمة الخد تخيلي !! ) حتى الصحابي اللي حاول يستخرج الرمح من وجه النبي صلى الله عليه و سلم إنخلعت أسنانه وهو عاض بها على الرمح يحاول يسحبه من وجه النبي !! :(

حاولي تتذكرين المسلمين في فلسطين و العراق اللي يا عمري كل يوم عندهم حوادث إطلاق رصاص و مدفعيات و هدم و إنفجارات .. يموت فيها عشرات و يبقى مئات من المصابين و الجرحى و اللي ما لهم مأوى :(

خلاص إنسي اللي صار لأبوك .. وإذا جاك التفكير غصب عنك .. إستغفري و بتشوفين التأثير !! كمان لا تنسين اذكار النوم و آيه الكرسي و خواتيم سورة البقره تبعد عنك الكوابيس و الأحلام المزعجه اللي يسببها لك الشيطان ..

و موضوع طلعتك بدون عبايه ما تسوى منك كل هالتفكير و اللوم .. و زوجك لأنه يغار عليك عصب و قتها و خلاص .. ترى أنتِ ما سويتي جريمه علشان يظل زعلان إلى الأبد.. أنتِ بس خليكي مبسوطه و مفرفشه و هو إن شاء الله بينسى مع الوقت :)


أما موضوع الخوف من السيارات عادي بيروح مع الوقت إن شاء الله .... و صلى الله على محمد و على آله و صحبه و سلم :)

موقفك جدااا طبيعي واي وحده بمكانك بتسوي اللي سويتيه ويمكن اكثرررر

واحمدي ربك اولااا واخيراااا ان الحااادثه وصلت لهذا الحد والوالد ربي عافاه

صدقيني كل انسااان ممكن يمررر بمثلللل هذه الموااااااقف وأشد

والقلق والخوووف اللي انتي فيه شوي شوي راح تنسينه خاااصه ان الحادثه ماصار لهااا الا شهرين

صلي صلاة الشكررررر لله ان ربي عافى والدك وياكثر المصائب بهالدنيااا ..والحمد لله..

...............تحياتي..............الله يخليلك ابوك

الحمد لله على سلامة الوالد
صراحه لام الله الي يلومج
ماتنلامين
لكن أن شاء الله الأيام كفيله تنسيك
وبالنسبه لزوجك أكيد مقدر الوضع
بس يحتاج فتره علشان هو بعد ينسى
الحمد لله على السلامه
ألف مره

يا عيوني.. ولله صحت وانا اقرأ موضوعك...
الله يعينك .. الموقف ابد موسهل .. بالذات انه ابوك واحس لو عندي عمر اعطيه لأبوي اعطيه وما تسوى الدنيا عندي صرخة الم او حزن اشوفه فيه.. فما بالك بحادث يهز البدن...

والحمدلله اللي سلم ابوك وتشافى والله يعطيه العافيه ويبعد عنه الشر..
صدقيني الأيام وبعد مرور وقت .. كل هذي كفيله بأنها تخفف عنك ..لكن لا تأنبي نفسك اكثر من اللازم على شيء ما بأيدك تغييره لأنه صار ماضي .. فكري في المسؤوليات اللي مستنيتكي زوجك واسرتك وارجع واقولك ان هذا موقف صعب يلوموك فيه..
ونصيحتي لك غاليتي بكثرة الاستغفار والله يفرج همك ويعينك حبيبتي..

لا والله مو موقف هين الف الحمد الله ع سلامته
وجعل عمره طويل برضى الرحمن ثم محبتكم وحنانكم وقربكم وبركم فيه

بس ماقصرو البنات ماخلوا لاحد بعدهم مجال ماشاء الله :)

من جد هي فتره وتعدي وزوجك ماراح ينسى الا إذ انتي بينتي له انك نسيتي ون الي صار تصرف طبيعي منك ممكن يصدر من اي بنت غيرك لما تشوف ابوها في هالوضع المرعب :11:

وسعي صدرك وكل ماتذكرين هالسالفه تعوذي من ابليس واحمدي ربك ع السلامه
وعيشي حياتك عادي لا تخلين اي شي ياثر عليك وعلى حياتك مع زوجك خاصة

وربي يوفقك ويشرح صدرك برضاه :26:

..

.