موقف لايمكن انساه حابه اشارككم فيه

السلام عليكم ورحمه الله وبركاته 
في عام 2018 صار موقف مستحيل انساه ماحييت رحنا مكه انا وابوي وامي المهم دخلت انا وامي عشان نصلي وكان فيه زحمه وفيه قدام مو زحمه قلت لأمي خلاص ادخلي داخل وشوفيني انا وراك على طول المهم قبل الصلاه جت بنت تقريباً عمرها حول 33 سنه تقريباً البنت تعبانه نفسياً شكلها جلست جنبي وكانت تبكي بصوت خافت المهم اقامو الصلاه وقمنا نصلي الا وقت السجود وهي تبكي وتشاهق 💔 وتقول اللهم اني مغلوب فانتصر والله يا اخواتي لازالت شهقتها وبكائها في اذني ماراح وعلى كل سجود تبكي بحرقه وتدعي فقط بهذا الدعاء اللهم اني مغلوب فانتصر تعرفون يا اخواتي شهقه حرقه القلب  والظلم هذي هي اللي سمعتها بعدها خلصنا الصلاه  وقامت بسرعه وهي تبكي الله اعلم وش صار للبنت هذي من ظلم يالله كيف دعوتها اعوذ بالله من الظلم 🥺