موقف ما بنساه ابدا

اولا السلام عليكم ورحمة الله وبركاته
بصراحه قريت مواقفكم اتضحك واايد
اسمعوا موقفي انا عيل
الموقف صاير لي وانا عمري 15 سنه تقريبا
مره كان عندنا عرس ..وطبعا هذيك الأيام ما كنت احط على ويهي شي ...قلت يالله خلوني اتعدل ..وعاد شواللي سويته :27: حطيت كحل داخل عيوني ..وهاي اول مره كنت احط شي ...وخذت مقلب في عمري :24: قلت خلاص انا بطلع احلى وحده في العرس ...:21:وقلت ما يستوي هالحلاوة كلها والبس نعال عادي ...لالالالا انا لازم البس كعب ..ومو اي كعب خذت كعب اختي طووووووووووووويل ...ما جد لبست طوله من قبل ...ورحنا العرس ..وحضرتي امصدقه عمري كلش ...محد كدي :33: انا ...خلص العرس ..وطلعنا ..عاد لازم امشي مشية الغزلان عشان يشوفون عارضة الأزيااااااء...وتوني طالعه من الفندق ورافعه راسي فوق وامشي بالكعب هالحلو ...واوصل الين الدرج...انزين شوفي جدامج ...لالالالا بخرب اناقتي وكبريااااااائي :14: ...ولا اتخرطف من على الدرج وادربح من اول الدرج الين آخره مثل الكره :p :p :p :21: :22: وييييييييين هذيك الأناقه ...وين الكبريااااااااء..ههاهاهاهاهاهاهاهاه كله راح وطي...شكلي كلش كان يضحك العباية انطرت...وراسي انفلع ...وريولي اعتوت ...والكعب الأنيق انكسر ...ويتجمعون علي النااس ...ويشوفوني ..لاكن بعد شو بعد ما صار شكلي جذي:10:
عاد هذيك الساعه عشان اغطي على شكلي المضحك قمت وشغلتهم بصياحي ..اااي عشان يخافون علي بدل ما يضحكون علي :08:

واي واي والله اني ما انسى هذاك اليوم ابدا :01: