موقف محرج مريتي فيه وماتنسينه

ههههههههههههه موقفك محرج عسى بس ما رسبتك
انا مره كنت مكان محاضرتي مدري وينها(تعرفون الجامعة ومبانيها خصوصا مبنى 24 ) ودخلت المكان وانا متأخرة وقالت لي الدكتورة ليش متأخرة قلت دكتوره مالقيتك قالت لي يعني وش تبين تبيني اعلق صورتي على الباب ...بنبره متكلفة كنها من ذوليك المتكبرين
قام االصف كله يضحك وانا والله فيني كركرة بس خير انشا الله تهزئني
وعندي مواقف بس اللحين ماتحضرني
الله على ايام الجامعة

انا عندي موقف.....بصراحه كل ماتذكرته..استحيت...:42:
انا طول عمري للاسف كسلانه وما احب اذاكر..المهم نجحت من الثانوي بنسبة78%..هذا وانا عايده السنه ابي اجيب مجموع<<<الله يخلف..
المهم سجلت بالكليه.....وقلت عاد مابدهاش...لازم اجتهد..يكفي لعب بزارين...
اول يوم داومت فيه..مشخصه وكاشخه ومستشوره الشعر وهاك المكياج والمشيه الرزه<<<محد قدي
حسيت اني في الجامعه صدق يعني بديت اصير جامعيه واكشخ<<<<<اقول بلا بربره
المهم اول يوم داومت فيه..دورت قاعتي ومعي بنتين بعد مستجدات<< كنامتاخرين شوي
المهم لقيت مراقبه قلت لها اولى جغرافيا اشرت بيدها يعني ادخلو<<<<الظاهر تحسب اسمي اولىجغرافيا!!!
دخلت عاد انا الحين في الجامعه واحط رجل على رجل
واطلع دفتري حق المحاضرات واطلع قلمي موب اي قلم ابو اربعه ريال من مكتبة جرير..:rolleyes:
وبدا الدكتور يتكلم ويتفلسف وانا هاك ياكتابه اول يوم و اكتب فيه احد اشطر مني الحين؟؟!
واكتب اكتب اكتب.....واحاول استوعب المحاضره تعرفون (( العلم في الصغر كالنقش على الحجر))<<وش دخلهاما ادري!!
المهم <<كم مره قلتها؟؟
خلصت المحاضره..جلست المشرفه تنادي الاسماء..قالت من ما قلت اسمها..انا وكم بنت رفعنا يدينا..وانا اقول في نفسي الله يعينهم متى بيرتبون الاسماء زين الله يساعدهم..
راجعت المشرفه وقالت مو موجوده اسمائكم ؟؟
عاد انا في نفسي خير ان شاء الله وش هالتسيب:mad: <<يحق لي انا في الجامعه الحين !!
والله حاله مافيه ترتيب ولا تنسيق.....يعني حبكت اسمي مو من ضمن القائمه؟؟
المهم المشرفه سالتنا انتم في اي مرحله؟؟
عاد انا تعرفون شخصيه انا اللي اجاوب..قلت مستجدات اولى......
ناظرتنا وهي تستغبينا......وقالت............................هذا ثاني موب اولى




وافشيلتااااااااااااااااااااااااااااااااااااااااااااااااااااااااااااااااااه :08: انا تدوروني ما تلقوني من الفشيله..
وين اروح من البنات..
ياحسافة الثلاث ساعات اللي كسرت اصابعي وانا اكتب..
لا ومشخصه وكاشخه.....ياليتني ما قعدت ساعتين استشور شعري:06:

الخايب طول عمره خايب.......:44:


بس السنه اللي بعدها اول محاضره من هالماده وانا بجنب صديقتي حطيت رجل على رجل وانا رافعه راسي وقلت لصديقتي هذا المحاضره حاضرتها العام ما فيه داعي تكتبين انا اشرحها لك بعدين!!:D

ام كوشه : مشكوره على الرد
لا ابشرك نجحت




نونو وبس: بصراحه موقفك محرج بس يموت من الضحك

هههههههههههههه والله تضحكون

ام البنوت: مشكوره على المرور حبيبتي