موقف محرج ومضحك ....مشيت حافية !!

من كام يوم حصلي موقف محرج جداااااا ............:icon36:

كنت رايحة انترفيو في شركة بتشتغل فيها واحدة صاحبتي , وكنت طبعا يومها لابسة بدلة فورمال و كعب .لزوم المقابلة.....
صاحبتي وصلتني الشركة معاها في عربيتها , و تمت المقابلة وانتهت علي خير الحمد لله

وبعدين وانا مروحة طبعا منفعش ان هي توصلني لأن كان لسة قدامها يوم شغل طويل ...

فقررت اروح مع نفسي بمواصلات .

كان الطريق للبيت بيحتاج مواصلتين , اتوبيس وبعدين تاكسي.

اخدت الأتوبيس وعانيت اشد المعاناة وانا واقفة بالكعب وسط الزحمة اكتر من ساعتين ,

وبعدين اخيرا وصل الأتوبيس ونزلت منه وانا خلاص مش قادرة امشي ولا اقف من وجع رجلي ....

وبدأت احاول اوقف تاكسي .....
اني الأقي تاكسي....
مفيش....

وقفت اكتر من نصف ساعة احاول من غير فايدة وبعدين قررت اخدها مشي وأمري لله

كانت المسافة تأخد حوالي نصف ساعة مشي ,:icon29::icon29:

وكانت رجليا بتوجعني جدا جدا من الكعب واليوم الطويل ووقفة الأتوبيس ......

مقدرتش استحمل امشي بالكعب كل المسافة دي....

قمت قلعت الشوز وقررت امشي حافية لحد البيت ......

تخيلو المنظر وانا متشيكة ولابسة فورمال وماسكة الشوز في ايدي وماشية حافية في الشارع , وتخيلوا كسفتي والأحراج اللي كنت فيه .

كانت اول مرة اجرب اني امشي حافية في الشارع ....بس الألم اضطرني

ايه رأيكوا في التجربة دي .....

ولو حصل لأي واحدة فيكم موقف اضطرها انها تمشي حافية ياريت تحكيهولنا .....;)