السلام عليكم ورحمة الله وبركاتة ..

موضوع شيق وحبيت اشارك فيه وبصراحه اول ايام الزواج على كثر مافيها من خوف وارتباك بس والله حلوه

وفيها من المواقف والذكرايات الكثير مثلا ..


يوم زواجي اول مادخلت الغرفه كنت خااااااااااااايفه وانتفض وجوعاااااااااااانه جدااااااا شوي وادوخ ههههههههههه

المهم ويجيب زوجي العشاء على باله اني باأكل وبصراحه

ا ستحي امد ايدي ويوم شافني كذا قام

يأكلني وانا اقول ماابي مااشتهيه وهويقول كولي وافتح فمي آكل .بس مااشتهيه كولي وآكل .... الخ

وهذا الموقف اللي معجب زوجي ويتذكره كثير ..

والثاني قالي زوجي خل نتسسن لنا ركعتين واقوم ابي اتسنن والله يخلف علي من الروعه

وقفت اصلي بدون ماالبس شرشف الصلاة والظاهر اني مومتوضيه بعد ويناظرني زوجي مستغرب وقال


اخبر الحريم اذا جن يصلن يلبسن غطاء على الراس واتفشلللللللللللل قلت ايه صح خخخخخخخخخخخخ

وبس هذا اللي عندي .

الله يوسع صدوركم على المواقف الحلوة ........
ذكرتوني بهذيك الأيام الحلوة .......
بالنسبة لي صار لنا موقف بصراحة غير شكل و بالتحديد صار لزوجي
يوم العرس كان أخذ موعد من النادي في الفندق علشان يسمكر روحة يعني ساونا و تدليك و .......الخ
و مسكين شكلها ما كتبت له المهم طاله من العصر من بيت أهله متوجه للفندق و معاه كل العدة الثوب و المشلح و هدية الصباحة .......الخ
و ما أمداه يتعدى إلا و يطلع عليه وانيت فيه ثلاث أطفال سارقين السيارة من أهلهم و بوووووووووووووووووووم
حادث بصراحة السيارة راحت فيها لكن الحمد لله زوجي طلع منها سلييييييييييم و يوقف له واحد الله يجزاه خير و يهديه و يخفف عنه لأنه فعلاً كان مربوووووووووووووووووووش و يشتريله عصير و يوصله لحد الفندق
المهم طبعاً تاخر الوقت و ما كان في وقت لأي تصليحات أو تعديلات
و دخل علي الله لا يوريكم العقال مايل و الأزارير مفتحة ......الخ
حتى اهله استغربوا و قالو شكله غير طبيعي ..................أكيد من هم العرس
لكن الحمد لله أنا مادريت عن الحاث إلا الصبح من بكرا و كانت هذه الصباحة لأنها ضاعت مع خبصة الحادث
و إلى اليوم كل ما ذكرنا الحادث قلنا الحمد لله على السلامة .......و دفاعة بلا مثل ما يقولون
لكن المحرج فعلاً هو سيارته المصدومة الموقفة قدام بيت أهله و كل من مر قال وش فيها سيارة عريسكم مصدومة ؟؟؟؟؟؟‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍

المهم و بعد ما سافرنا شهر العسل بأسبوعين صار له شد عضلي في الظهر ما يقدر يتحرك منه
يعني الملابس و الله يكرمكم الجزمة ألبسه ....
وحتى باب السيارة أسكره له ......
و جلسنا على هذا الحال أسبوع و أكثر حتى كنت أطلع أروح الصيدلية أجيب له دهانات و لزقات و مسكنات لحالي ......
يعني قلب شهر العسل دورة في التمريض ......
لكن الحمد لله على السلامة

و الله أحداث شهر العسل كثيرة
يعني وش أقول عن حرس الإنذار إلى ضرب علينا في الفندق و الروعة و الربشة
ووكيف كان يلعب بأعصابي و يقولي العمارة تحترق تحتنا خلاص بنموت ......
أو عن الدورة إلى ماشرفت إلا ليلة العرس أو أو ........
خلوها مستورة بس
و الحمد لله على التوفيق

حلووووه مواقفكم كلها والله هي ذكرى جميييله جدا بالذات ايام العرس
اختي والله موقف لايحسد عليييه .. طيب ويش لبستي يوم دخلتك والله مشكله
يالله اهي ذكريات حلووووه الله يسعدكم يارب :)

اختي دلوعة زوجها صدق دلوعه ياكلك من اول يوم ياحليلك ياربي والله احراج بس ايش تسوين اجل تموتين جوووع ( والله سويتي مثلي جالس يأكلني عنب وانا اقول لاشبعانه وانا جيعانه مووووت :) ...
لكن كله في كوم وغطاء الصلاة بكوووم:34: الله يوفقك يارب ..

يانياره ماعليه شره زوجك يوم جاء له شد عضلي بظهره ماعليه شهر عسل ايش يسوي
:22: الله يوفقك مواقف حلوووه وبالذات اخوك ياحليله ياربي :)

اختي ورود المحبه اشوه انه ماحط شريط خطبه والا شريط مآسآوي :34:
زين جاءت على عبد المجيد بكيفها :22: يالله يااختي المهم تم العرس بسلام ..


شكرا لكم على هذه المواقف الحلوووه ... وحده معجبه بالموضوع مرررره شكرا لصاحبته شادن الله يوفقها يارب والجميع ..

تحياتي ..:17:

والله انا فطست من الضحك وعيوني كلها دموع من كثرة الضحك لحد ما بطني بدأ يعورني
والله يا شادن ونيارة و ورود المحبة
الله يذكركم بالخير لانكن بصراحة فكيتونا من الهم والحزن
والله يعطيكم العافية


ام احمد

حده من قريباتي يوم زواجها وهي جالسه بفستانها وكامل زينتها على المنصه ( في صيوان كبير )00 الا وولد اخوها الصغير 00يناديهااا 00عمتي 00 عمتي ويروح للعروسه 00عمتي يقول ابويه اعطينا صحن تفاح محتاجين واحد .

اما انا 00 فيوم زواجي بصراحه مدري اش اقول عنه بس , بما اني اصغر العائله طبعا كان البيت شبه ماتم الله يعين , دخلت مع زوجي السياره وانا ابكي بحراره وطبعا احنا بنكون مسافرين والمكان اللي بيبعد عنا 150 كم , المهم ان زوجي يوم يسمعني ابكي ماتكلم ولا بكلمه واحده 0000 تخيلو المسافه ذي كلها 000 يبي يهديني شوي من البكاء تدرون اش سوى ( الله يحفظه ) 00 شغل لي شريط قران سورة التوبه بصوت الشيخ محمد المنشااااوي 000 وعاد انتم تعرفون صوت المنشاوي يقطع قلب الغافل اصلا 000 وبعدين الشيخ في السوره ذي كان اصلا متاثر ويكفي بس انها سورة التوبه 000 بعد ماسمعت القران الا وهاتيك يابكاء 000 وزاد علي البكاء والله توقعت ان قلبي بينفجر من كثرة البكاء .
الى الان اذكر زوجي بالمنشاوي اقول كان شغلت اناشيد والا مو شرط تشغل شي 000 يضحك والله بس يقول كان في نيته بدى حياته بقران 000 وانا ماختلف معه بس ( المنشاااااااااوي ) !!!!!!!!!!!!!!!!!!!!!!!