حياتي الورديه..:04:
هذا الموقف لما كان عندي 5سنوات وقتها كنت بالروضه , كانت عندنا ابله وقت الفطور تجمعنا
كلنا على طاوله جد كانت كبيره :confused: ماعلينا .. وكنت لازم ايلس يم ولد خالتي وكل
واحد طبعا عنده شنطة طعام وكان الاكل مكون من موزه برتقاله تفاحه سندوج وعصير !!!
نفتح الشنط والابله تشوف الاولاد اللي موجايبين اكل وتقسم الاكل من بينا انا لما تصير هالحركه أيه هي ( تصير حرب داحس والغبراء ) ذيج الحزه ياويلها هاااااات ياصيااح ودموع
اربع اربع وامسك الشنطه ورزها ابطني وقولها مابي اعطيهم اكلي ليش مايبون اكلهم من البيت ولد خالتي ياحاول فيني بس مافيه فايده اذن من طين واذن من عين لين ماتيئس الابله
وتهدني وفي الاخير ينتصر الشر الطفل على الحق البالغ وتخليني مو لانها ماتقدر علي لانها
تشتري راحة بالها من الحنه والرقله :05: وتعرف عدل اذا سوت اللي براسها مافي حصاه
بساحة الروضه الا على راس اليهال يعني ( التفلع .... والرمل بالعيون ):11:
ملاحظه:01:
جد انا الحين مو بخيله صج يوم كنت اصغيره شريره بس الحين الله يشهد ان اللي بيدي مولي
طبعا حمدت ربي ان العاده السئيه مالازمتني وانا كبيره :D
ترقبوا المزيد من المغامرااااات!
مس_نفوله @ms_nfolh
عضوة جديدة
هذا الموضوع مغلق.
الصفحة الأخيرة
ضحكت كثيرا على هذا الموقف ..
وهو فعلا من الماضي البريء الذي يظهر من غرائز البشر ما يسعون لإخفائه ..
والحمد لله أن هذا لم يستمر حتى الآن ..
همسة ..
حاولي كتابتها اللغة العربية الفصحى ستكون رائعة ..جربي وأنتظرك ..
مرحبا بك .