مو سنة ولا خمس صدقوني حالي ذا له تسع سنوات!!

السلام عليكم
تصدقون موضوعي هذا لي شهرين متردده اكتبه اقول يمكن تضبط معي ..
سالفتي هالمره يمكن تشوفونها تافهه والا تضحك لكن ورب البيت الحرام انها مسببه لي أزمه وماكتبتها الا يمكن دعوه او كلمة واحده فيكم تغير حالي
انا وزني زايد تقريبا عشرين كيلوو وبدا يزيد بعد الزواج وبعد الاولاد حتى وصل كذا ومن هذيك السنه اللي تزوجت فيها وقبل تسع سنوات للحين اسوي ريجيم او تخفيف ورياضه لكن الحاصل اني مانحفت لان باختصار ابدا يوم يومين ثلاث اكثر شي مر علي شهر ثم ارجع اكل بنهم مو جووع والله مو جوع بقد ماهو تطنيش واخبص يومين وارجع والله بدون مبالغه حياتي كذا تدرون وش اللي معقدني اني ابغي اترك هالتفكير واكل عادي وانسى وزني لكن مااقدر والله مااقدر عجزت ابدأ وأترك وهكذا بتقولون نظامك حرمان أبدا ابدا مو حرمان اسوي حلا صحي واتابع حسابات واخصائيات تغذية وفاهمة كللل شي صدقوني صرت خبيرة تغذية وبإمتياز بعد !!
المويه اشرب والنوم انام والوجبات ثلاث مه سناكين والرياضه اسوي والحلا اسوي صحي لكن ثلاث ايام واطنش وشوي يرجع ضميري يأنبني تعبت والله تعبت لاني قادرة اعيش حياتي طبيعي ولاني قادره التزم وانحف ؟!
تصدقون اني احلف ايمان اني استمر لكن اترك للاسف واصوم كفاره وتصدقون هالايام وصلت في اني على وشك النذر قلت يمكن ماينفع لي الا كذا تخيلتوا المعاناه بس تراجعت خفت .
ميزان وعندي انواع اثقال وعندي سير دراجة اوربتراك درج حبل كللل شي لكن مااعرف ايش اللي يخليني كذا
خذت أجنده اكتب فيها وحددت اهداف صغيره وكبيره ووفرت كل شي واجتهد ثم اكنسل مااعرف ليش والله تعبت صرت ادعي في صلاة الليل ارتاح من هالعذاب اللي في حياتي ليش انا كذا ابغي احد الحلين ياالتزم وهذا اقرب لقلبي او اترك واعيش مرتاحة لكن هنا ضميري يقتلني مليون مره بس للاسف بدوون فايده ادعووو لي نوروني دخلت في حلقه مفرغه ادور فيها ولمدة تسع سنوات ولاادري الى متى 😭😭😭