صبـى @sb_3

عضوة فعالة

مو قادره ابي الحل تكفوووون

مساء الخير جميعا

انا مشكلتي احسها شويه صعبه ومتأذيه منها جدا بصراحه انا من النوع الغيور واحيانا كثيره

اكتم في نفسي

من مده اكتشفت ان زوجي يكلم وحده وعلى علاقه معها واتضح لي من خلال مراقبتي له انه

بينهم موده وانا ميته من الغيره رغم اني مو مقصره معاه ورب البيت ابدا كل طلباته ملبيتها له

ومدللته على الاخر لدرجة اشياء اسويها له والله العظيم يمكن ماحد يصدقني لو اقولها ومع هذا دايما احسه يكلم بالجوال ومره فتحت الجوال وهو نايم ولقيت رساله منها تتطمن عليه

قمت وفتحت الايميل حقه ولقيت رسائل منها نفس الاسم ومسنجر وميته قهر وربي اني اكتب

لكم هالكلام والدموع تملا عيوني والمصيبه انها تغار عليه من البنات بالانتر نت وهو يخاف

على مشاعرها جدا

بالرغم اني فتحت الموضوع كم مره معه ويحلف ايمان انه خلااااااص بيتركها وارسل لها

رساله وخلاني اشوفها على ايميلها انه تركها وبعد مده اتضح لي انه ما تركها كان يكذب علي

ولما احاول ابين له اني فاهمه كل شي بس ابي اعطيه فرصه يراجع نفسه يقول انتي تفكيرك غلط وما هو صحيح انا دايم قدامك ولا اكلم احد وانا الأن ماعندي اي ثقه فيه لاني تأكدت

انها مازالت على علاقه معه الى الان

اقسم بالله اني متحمله وصابره ابي يفرجها ربي لاكن استغفر الله احسها كل يوم تكبر

كل يوم ادعي على نفسي بالموت لانه اهون علي من اني اشوف زوجي يخوني وهو يقول لي انا

احبك اي حب هذا ؟!

اماااااااااانه بنات تكفون ساعدوني وش اسوي معه ومعاها حسبي الله عليها رغم انها تدري

انه متزوج

حياتي صارت كلها تعاسه ما عدت احس بطعم الفرح حتى العيد والله انه مر علي وانا ابكي

مسكت نفسي فقط علشان عيالي قلت حرام خليهم يعيدون مثل العالم وانا بعالم والناس بعالم

ربي هو بس العالم بحالي حتى جسمي وشكلي تغير مو قادره اتصور شكلهم ابدا

اسفه اخواتي على الاطاله بس وربي اني اكتب واطرافي كلها ترتعش من الهم والقهر

ارجوكم ساعدوني ودمتم بكل خير وبدون هموم بأذن الله

يلزم عليك تسجيل الدخول أولًا لكتابة تعليق.

تسجيل دخول

نجـديه • 20 سنة

الحل انك تاخذين الرقم وتكلمينها من كبينه عامه

وتقولين لها انا قريبة الشخص اللي تكلمينه واللي جواله كذا وكذا

وترى انا عرفت الرقم وعرفت اسم صاحب الرقم اللي هي طبعا

وتهددينها وتقولين لها والله لافضحك ولادعي عليك

:26:

بنت أبويه • 20 سنة

الله يكون بعونك اختي
انا اشوف انك تواجهيه مرة اخيرة وتخيريه بين بيته وعياله وبينها وهو اكيد بيختاركم انتم

مشاعل الرياض • 20 سنة

اعانك الله
وماتنلامين فهذا الموقف صعب على كل زوجه
توجهي لله بالدعاء والتضرع
واحمي بيتك من اجل اطفالك

كابتشينو¤§*)§®¤*مالتزرز • 20 سنة

أختي صبى عليك بالدعااااااااااء
الجئي الى الله فالله لايخيب من دعاه
اسأل الله ان يرد لك زوجك ويسخره لك,,:26:

كل الغوامد • 20 سنة

الله يكون في عونك وعليك اولا واخيرا بالدعاء
واذا كنت متاكدة من هالكلام وعندك رقمها ممكن تكلمينها وتشوفين هي اش غرضها وانها تبني سعادتها على خراب بيت غيرها وهل يرضيه هالشي وانك لن تسامحيها على فعلتها دنيا واخرة
والافضل انك تكلمينه من جوال زوجك عشان اذا حاولت تنكر تبرهنين لها انه رقمها مخزن في جواله
انا عارفه شعورك الحين وحاساة لسبب في نفسي مااحب اني اتذكرة
واتمنى انك تعطينا اخبارك اولا باول حتى نتطمن عليك