مو قادره افهم اهل زوجي

السلام عليكم ورحمة الله وبركاته..

انا متضايقه من شي وحبيت افضفض لكم لاني مااقدر اتكلم مع اي احد عن حياتي الخاصه والزوجيه واهل زوجي مره يقهروني وبديت اكرههم من تصرفاتهم .. انا زوجي يشتغل في منطقه تانيه ولمن تجي الاجازات انزل لاهلي انا وبنتي لوحدنا لان زوجي يكون عنده شغل الي قاهرني ان اهل زوجي تصرفاتهم غريبه مو قادره افهمها يسوو نفسهم مشتاقين لبنتي ومتجننين علييها ولمن اجي مايزورونا ولا شي انا طبعا اروح لهم اخليهم يشوفو حفيدتهم وكذا بس اذا ماقدرت اجيهم كل يومين لظروف المواصلات وهم مايفكرو يجو ولا يسالو يعني انا اعرف اذا مشتاقين لحفيدتهم يجو ياخدوها يمشوها ممكن كمان يجو يعدو علا بيت اهلي عادي يعني مافيها شي ولا تقولو هما يمكن يستحو يجو او شي لا هما عادي لو يبغو يجو عندنا كان جو لان العلاقات الاجتماعيه بيننا نوعا ما طيبه الحمدلله وهم اذا يبغو يزورو اهلي عادي احنا صرنا زي الاهل لكن اذا جيت مايسالو ولا يجو ولا كانه عندهم بنت ولمن اتاخر عليهم كم يوم (لان احنا ماعندنا احد يودينا لان الوالد تعبان شويه وصار يتعب يودي ويجيب وانا مااحب اضغط عليه) فلمن اتاخر في زيارتهم ام زوجي تدق علا زوجي وتقوله زوجتك ماتبغانا نشوف بنتك وحارمتنا منها وتروح كل مكان وماتجي عندنا . وطبعا لمن اروح عندهم ام زوجي تراقبني في كل تحركاتي وتتدخل في تربيتي لبنتي وفي كل شي ليش لبستيها كدا ليش شعرها قاصته كدا مع ان والله مو اني امدح نفسي او اهلي بس هما دايما ينبهرو بملابسنا وباناقتنا انا واخواتي وانا مااحب ذوقهم صراحه بس ماابين انا بديت اطفش من حركاتها وادا جلست عندهم ومالقيت احد يرجعني بيت اهلي مايرجعوني ولا اي حاجه مع ان سلفتي يودوها ويجيبوها من بيتها وعاااادي زي العسل انا قلت خلاص ماعاد ابزورهم اذا يبو يشوفو بنتهم يجو ياخدوها من عند اهلي انا مهما سويت يتكلمو والله في اشيا كثير يسووها معايا وانا ساكته اشيا يمكن الواحد يشوفها عاديه وبسيطه بس خلاص شي علا شي يخلي الواحد ينفجر يمكن موضوعي ملخبط وكلو علا بعض بس لان في كذا شي مضايقني ومو عارفه اصيغه بشكل مرتب سامحوني ،،