والله انك صادقه وانا مثلك احس ان بيتي مرتب بس مافيه نظافه انا ابيه يلق لق من النظافه
صحيح اني انظف بس احس انه مو ذاك التنظيف الي يبين

لوليتا حنيت لمرحلة الحبو على فكرة تراها اهون من فترة المشي
انا بنتي لما كانت في عمر بنتك كنت احطها في سريرها واروح اسوي اشغالي واطل عليها كل شوي حتى لو كانت صاحية لان سريرها جدرانه عالية فباذن الله ماعليها خوف ولما اخلص اشغالي انزلها
ونصيحتي لك عوديها على عربيتها ترا والله العربية ريحتني كثير
والله يخليها لك ان شاء الله

هلا دلع
مره حطيتها بسريرها ودخلت الحمام الله يركمكم
الا نقزت من فوق السرير على الارض وراسها ورم
والحمد لله جات سليمه بس ورم مكان الطيحه


ان حطيتها بالعربيه كسرت رجلي وهي تلاحقني وتصدمني
وتفك ادراج المطبخ وكله بره
وتروح على الزرع والفازات وتقطف الورد
وان خليتها تحبي استلمت البلاعات

يووووووووه طفش
اليوم جاني ناس اخلاقي زفت ممنها
بس تصيح وتبغاني
طفش غير اني اكنس مكان وتخرب مكان

اليوم مجالسي كلها نظيفه ومرتبه
والمطبخ حلو باقي انظف الدواليب من بره
امكن بكره لو ربي اراد
وامكن ارتب غرفتي
شو رايكم نمسك غرفنا....؟؟؟
احس غرفتي ابغالي فيها 2 لــ 3 من كثر العفش
تصدقون حنا الحريم عفشنا كثير يا حليل الرجال كلها كم ثوب وكم بلوزه وبنطلون
نحنا شناط واشتوارات وفير ومكياج وشناط وجزم كرمكم الله
وانواع لفافات الشعر
وبكلات شعر واكسسورات وذهب وعطوررر ومخالطات
يووووووووووه عفش يطفش بجد

الو مره اكره اني امراه في بيتي
لان في بيت اهلي كان لي دولاب كبير لوحدي وتسريحتي انا واختي
هنا احس ان الدولاب مشترك
وحتى لعيالي احط لهم معي لان ما باقي ما صلحت غرفتهم
وغير كذا
انتي ملزمه ترفعين مكياجك واغراضك فوق
والله ملل تسريحتي ما تقعد مرتبه
عقبال ما البس بجامتي
الاقيهم يلعبون يا بالمكياج يابالكريمات
مره فيكس مره فازلين مره كريم اساس ز. مره جليتر
\بجد طفشت وانا كل شي فوقة وموخرته
اغراضي صايره مكركبه
مليت ابي طريقه تربيه حديثه
لاني مليت من الكتب شريت كم كتاب ما عاد يفهووووووووووووووووووون
وبنتي ام سنه هذه كيف افهمها ان هذا خطا
والله صعبه وربي كل ما قلت خطأ تزيد مليت من الكركبه اللي عايشه فيها بسببهم
عطوني حل الله يخليكم

هلا لوليتا
لما صارت حركتها كثيرة خليت مرتبة السرير في الدور الارضي للسرير وبكذا صارت جدرانه عالية

والله غريبة تصدقين اني للان احطها في سريرها كانت تحاول تنقز منه وتدعس على الاعمدة اللي بالعرض بس لزقت السرير بالجدار وخليت الاعمدة اللي بالعرض جهة الجدار عشان ماتحاول تطلع عليها وصارت الجهة الثانية اللي قدام مافيها الا الاعمدة اللي بالطول
وسريرها تقريبا يشبه هالصورة
وبالنسبة للمكياج
اتذكر وحدة كانت حاطة جنب مراية التسريحة رف وكانت حاطة كل مكياجها فيها وبكذا يكون عالي عليهم مايقدرون يوصلون له والاكسسووارات في الادراج
وبالنسبة لي انا مااخليها تدخل الغرفة واذا دخلتها اشيل كرسي التسريحة عشان ماتطلع عليه وتلحق الاغراض
بس الادراج اللي ما لقيتلها حل بس تفكها وتطلع الغراض منها
وبالتهديد والصراخ مشي الحال وصارت تخاف شوي مع ان احيان ولا كاني اكلمها بس الله يعين
والله ماينفع معهم التربيه الحديثة خصوصا اللي في عمر ماتحت ال3 سنين

السرير تبعي مو زي هذا ما ينزل واحد مستوى
اللي حطيتيته كان في ستي بلازا وكان عبجني بس قدر الله وما شاء فعل
بعد طيحت بنتي من على السرير
جبت لها سرير في الارض وهزاز خخخخخخخخخ
تنبسط تجلس تهز نفسها يمين ويسار
بس اخوهاينقز معها
واحيانا الاقي قاعد فوقها

ما فهمت قصدك بالرف اللي نحط فيه المكياج ...؟؟؟
هل قصدك الشوفينيره
والله صار اغلب الكريمات فوقها
لان ولدي يسبح بالكريمات تسبيح


ولدي بدات قال تربيه حديثه من يوم جبته جابلي العقده
هو الحين 3 سنين ونصف
عنيد مره الله يهديه
وعصبي ...
اشتريت كتاب في بيتنا مكار قرات منه شوي بس ما كملت
انيت شو اساليب تربيتك ...؟؟؟؟
بكره شو جدولك ؟؟؟؟