والله بالنسبة للتربية ماعندي ولا اساليب مخليتها على الله
بس انا امدحاها قدامها اذا سوت شي اقولها شاطرة والله تفرح وهي لسا ماكملت السنتين ماشاء الله واحيان تسوي ايش شي عشان اقولها هالكلمة مرة تفرحها شوفي جربي يمكن ينفع ماانكر ان بعض الاحيان تعاندني بس والله احسن من اول ولاني ماعندي غيرها فمتفرغة لغثاها
وبالنسبة للمكياج الاخت كانت حاطة رف جنب التسريحة من ايكيا بس عالي زي اللي في الصورة شوفي الرفين الابيض والاصفر اللي فوق بعض بس انتي مولازم تحطين اثنين يعني حسب مكياجك اذا عجبتك الفكرة انا يمكن اسويها بس على قدام
جدولي بكرة اجااااااااازة من التنظيف العميق يمكن ارتب بيتي وانظفه على خفيف
لاني بكرة باروح لاهل زوجي واروح لاهلي وسبحان الله ما احب اخرج والمجلى مليان ولا الارض فيه بقايا اكل من بنتي لاني اخاف من النمل والحشرات بس الله يعيننا على الشغل
دوبي استحميت وبعد شوي باقوم اسشور شعري والفلفه عشان يمسك اللف الين بكرة ويمكن بكرة الصباح ان شاء الله باروح السوق ناقصتني بعض الاغراض
عشان رايحة على المغرب
بس الاسبوع الجاي ان شاء الله بيكون حافل عندي اشغال كثير
وانتي يالوليتا ايش جدولك؟؟

هلا دلوعه تسلمي والله فهمت عليك
هذه انا مركبه منها في غرفه الضيوف
ابغالي ادور لي مكان

والله يخليلك بنتك يارب ويحفظها ويهديها
اسلوب التشجيع والاثابه كثير حلو
المكافات بعد حلو ( استكرات ... حلاوة ,,, اللعب معهم )
جربتهم كان ينبسط بالبدايه بس احس ما اعجبه
الاستكرات مشت فتره وحبها مره بس بعدين يقول اقولك ما ابي استكر ( يبغي ينفذ اللي في راسه )
اللعب معاه ما يبي الا بلاي ستشيشين وانا ما بعرف له
كنت العب معه كم لعبه بس ما رضي الحين ما يبي
وجربت اعلمهم الكتابه ما اقتنع اني ادرسه يقول ابي اروح المدرسه انتي مو مدرسه قهرني والله
يعني مجنني بالعناد بس لما يكون شاطر اشجعه واكافئه يا حلاوة يا بسكوته بس ما ابي هذه المكافاءت ودي بشي ثاني غير
وجربت الالعاب بعد
يادوب اطلعها يلعب يوم ولا اثنين يا تتكسر يا يطفش منها

اييي والله هذا الموضوع ضرب على الوتر الحساس انا صارلي سنة من تزوجت
ولا كان يوم يمر بخير

احس اني ما اصلح بشي ابد وانا صج دايم ما اتحدى وافشل ريلي خذا عني انطباع اني مهملة وهذا يعور القلب ومومنظمة بعد مع اني احس اني قاعدة ابذل جهد اهو عمرة ماسواه من ابني الي عمرة 5 شهور ولا من اهل ريلي الي صرت احاتي ان يشوفون البهدلة ولا من ريلي الي دايم يعلق على اغلاطي مع انه صحيح لكن يتعبني


صج الي تربى عند اهله على الخدم وان مايحط شي صعب انه يروح يعيش من غير الخدم تجربة صعبة من حال إلى حال


احس اني ببكي ههههه

HARD-GIRL

حاولي
كلنا يد وحده
انتي تشتغلين ولا تدرسين ولا مثلي ربة منزلللللللللللللللللللللللللل

اه يفكرون ان شغل البيت اسهل من شغلهم
دوام الرجال يخلص ودوامنا ابدا مايخلص

اليوم ماعندي شغل الا تجهيز بناتي عشان اليوم يوم اجتماع العائلة

الحمدلله صالتي نظيفه
حمامي نظيف
مطبخي نظيف
والباقي يوم الجمعه ان شاء الله
عندي اشوية اهدوم اطويهم وبعدها اوزعهم
غرفة بنتي اللي مهما عدلتها ماتبقى يوم كامل امرتبه عمرها 3 اسنين
غرفتي يبلها اشويه
المجلس
اااااااااااااااااااااااااااه شغل وايد
يالله همتكم يانسوان

بنااااااااااااااات ماادري وش فيني احس الدنيا سوداء مالي خلق انظف ولا اهتم بنفسي اقول ليش هذا كله راح نكبر ونموت ومين اقابل حتى اصلح وانظف وزوجي اكرهه ليش انظف وماعندي اطفال,,,,,,,,,
مع ذلك امس حطيت خلطه ولبست بدله الساونا ونظفت الصاله وغرفة الضيوف سيراميك وطاولات زجاج وجلسه كلها مسحتها بالديتول المخفف ومعطر....وتحممت بعد ماغسلت الحمام هذا جدولي...
معقوله اذا جبت اطفال راح احس بسعاده ويملون على فراغي,,,,ياليت احد يجاوبني