ميري قومي يبغا شاهي

الأسرة والمجتمع

السلام عليكم ورحمة الله وبركاته,,,

معليش اسلم وانا منسدحه بس صارلي ساعه انادي ذا .... وماترد
نايمه وتونا الساعه12 !!!نامت عليها جدار مالي الا اقوم اهزها هز تسويلي شاهي وياويلها مني جاك الموت ياتارك الصلاة:angry2::angry2::angry2:


اضن عرفتو من احكي عنه بصراحه مخيخي (حلوه مخيخي)صقعت فيه فكره عن مخلوق نعده خارج نطاق المخلوقات بكيفنا طبعا والا هو غصب عن خشتنا مخلوق وله كرامه!!!
كثيييير مواضيع هنا عن الام وكيف نبرها وهذا شي فوق الجميل وكثييير برضو عن الزوج وكيف نحترمه برضو حلو وكثييير عن الاخت وكيف نسايسها والطفل كيف نكسبه
والجار والقريب والخال والعم ووووووووو
لكن فيه من مانذكرها الا بالتافهه الحقيره الساحره الوسخه العجازه متعبتني ماتسمع كلامي
ووووووووو(طبعا هي المستأجره)

فيه منهم من يكون فيها الايجابيات كثير بس علشانها مستأجره ماتسوا نشكرها ولا نذكرها ولا نفتح موضوع عنها اساسا ممكن البعض متساهل ومو قصده اهانه

بس في خاطري شي ذولا لو مو الحاجه ماتركو عيالهم وجو ينظفون حماماتك وانتو بكرامه ويشوفونك حول عيالك تضحكين
لو ماللقمه ما جو يغسلون ملابسك والله يعلم وش فيها وانتو الاكل الزايد بالزباله اعزكم الله
وكثييييييير الحكي(يقطعون قلبي ذا الفئه المنكسره مع كفيلتها الشرسه )
تخيلو قدام الناس بالمول تهزئها امسكي بيبي كويس طيب جيابتها حمالي معك والاغراض هدت حيلها وهي جلد وعضم وبزر على كتفها وبزر ثاني تبين تراقبه بالله ريموتها معك بالشنطه ذي؟؟؟!!!!
ماقول دلعيها العماله اللي تنعطا وجه زايد تتمرد ولا اقول هينيها فهي بشرررررررر
ما افول الكل ايجابي ولكن فيه منهم من تعجبين فيه وصاحبته انواع الاهانات والذل لانها مجرد(خااااادمه ) طيب ذا الخادمه جايبتها من سوبرماركت؟ تراك جايبتها من مكتب يستقدم بشر مو يبيع لحم!!!


حبيت انصح اخواتي العزيزات 1 اتقو الله (في مأكلهم لا تبخلون وفي لبسهم اعتدلو وفي معاملتهم احسنو)لا يجي يوم تحتاجونهم الله لا يقوله
2 انتبهو خليكم بالوسط فلا افراط ولا تفريط
3 اعزولهم عن رجال البيت قدر الامكان واهتمو بحجابهم خارج المنزل
4 مراقبتهم بشكل لا يمس كرامتهم
5 الاسلووووب ضروري فلا يمنع ان تطلبيها بابتسامه او باسلوب راقي مو يعني تذللين لها او تترجينها لا اقصد باسلوب محترم لا تحسسينها انها مستأجره وغصب سوي ذا الشي باسلوبك الراقي هي بتسويه غصب
6 تنازلي عن بعض اخطائها فهي بشر غير معصومه
7 ان كانت غير مسلمه حببيها بالاسلام عن طريق الكتيبات
8 لا تحبسينها بالبيت فهي روح وتحب الارواح قدر الامكان كوني معتدله من ذا الناحيه


قد يغيب عني الكثير من الاشياء بس اللي تعرف وعندها نصيحه تزيد
وشكراااااااااااااااااااااااااااااااااااا
8
896

يلزم عليك تسجيل الدخول أولًا لكتابة تعليق.

تسجيل دخول

كللي حنيه
كللي حنيه
ياااروحي انتي...عز الله ان موضوعك رااااائع جدا..... بس ودي اقولـــتس شي وخلي سر بيني وبينك لا احد يدري....

(الخط صغيييييييييييييييييييير والله احولت عيوني ).....

مثل ماقلت لك موضوعك قمة في الروعه ....بــس لو كبرتي الخط فديتك....
شوشه فرفوشه
شوشه فرفوشه
تسلمين ياعسل بغيت اكبره ماقدرت في التعديل مايجي غير عريض
golden eye
golden eye
يا قلبي نظري ضعيف لو تقدري تكبري الخط ، عشان اقدر اقرأ و الله يوفقك ،،
بنت طيبة الطيبة123
موضوع مفيد
جزاك الله خير


بس حولتيني هع
اميره الورود&
اميره الورود&
تصدقين ماقدرت اقرا سامحيني