سحر البيضاء :

هلا حبيبتي ان شاء الله محلولة بس يبغالك شوية صبر و مثابرة نبتدي بالاولويات الراتب 10000 ديون تابتة 6000 الباقي 4000 باقى الديون بنقسمها على 6 شهور لان الدين لاااااااااااااااازم يرجع عشان ربنا يبارك لك و كل شهر بنشيل 1000 و بادن الرحمن تكون مدفوعة فى غضون الست شهور و بعد كدا يصير توفير تمام الباقى 3000 و المبلغ هدا لازم نمشي بيه الشهر و مااااا نمد يدنا على فلوس الدين اوكي و انت سنعة و تقدري عليها توكلنا على الله مدرسة الولد 1600*2=3200 قسمة 10 شهور 320 بالشهر الباقى 2680 العمل الخيري 300 الباقى 2380 الكهرباء 100 ريال كفاية احنا ما شاء الله 5 اشخاص و نستهلك بمية هدا اقصى حد . حاولو توفرو كهربا الجوالاات 200 ريال حقت زوجك و و انت 150 كفاية و طرق التوفير فالمكالمات تلاقينها فوق فمشاركاتي الجوال الاجمالي 350 الباقى 2030 مقاضي من اساسيات زيت و سكر و رز و خلافه 500 ريال و يبغالك تشوفى مكان جملة في كتير فالرياض و كمان سوق العثيم مسوي بطايق توفير اسالي على الموضوع اللحوم 200 ريال الخضروات 200 ريال مع انه 150 ريال تكفى بحساب 35 ريال فالاسبوع بس ال50 زيادة حق مرة فالاسبوع الواحد يشتهي فول اسبوع مطبق اسبوع مسبحة كدا الباقي 1130 لوازم الحضانة 30 ريال هدا ما يعني انك تدي ابنك فلوس كل يوم لا ابدا انتي تشتري عصير السعودية او سن توب 28 حبة ب 12 ريال حق الشهر و علبين بسكوت و كل يوم تحطيله بسكوت و عصير فالشنطة الباقى 1100 الصيدلية 200 ريال مدري حقت ايش انا افضل انكم تسوو كرت تخفيض عند المستشفى اللي بتروحو له مع تغطية الادوية الباقى 900 ريال منها 200 ريال تتجمع كل 3 شهور واحد منك ينكسى انتي الاولاد زوجك الباقى 700 ريال 200 ريال حقة الطلعات و الطلعات تكون مرتين فالشهر ومن الافضل مش اول الشهر لان كول الناس بتكون طالعة و ابو ريالين ب 5 و تطلعو ملاهي مفتوح و تاخدي معاكي حاجاتك شاهي قهوة معمول جمبري و الله ارخص و كل ما وفرتي فالطلعات بتبحبحيها على نفسك يعني لو فالشهر مرة مادونالدز وجبة 4 اشخاص ب 70 ريال و الاطفال يلعبو ببلاش و يدوهم هدية بعد و الاسبوع التاني طلعتيهم ملاهي مفتوحة ببلاش و شريتيلهم ايس كريم ب 10 و درة بعشرة و وسعتي صدرك ب 20 يكون مجموع الطلعات 110 و 90 ريال حلال عيكي برفان قميص نوم براااحتك الباقى 500 ريال تقسميها براحتك و انا انصحك دام انك الكسوة خلصتي منها و الجوال كمان و توسيع الصدر خ\ي منها 200 لاغراضك و وفري الباقى ترى وراكم ديون كل ما وفرتي احسن لك و مصروف المية ريال كل يوم انسيه اكل الشارع بلاش انتي عندك خيارين يا تطبخي فالبيت او انتك تستغني عن الميتين حقك و تخصصيها للعشا من برا و على فكرة لو تبغو وصفات سهلة و موفرة انا حااضرة و سلامتك و ادا فيه اي استفسار او تعديل انا حاضرة

هلا حبيبتي ان شاء الله محلولة بس يبغالك شوية صبر و مثابرة نبتدي بالاولويات الراتب 10000 ديون...