مين الشاطرة اللي تعلمني كيف اخلي الرز كل رزه لوحدها مو متعجن

هلا يااختي انقعي الرز قبل الغسل في مويىة حارة وملح
بعد ماتحطين الرز خلي ارتفاع المرقة ٢سم تقريبا
وبشريني بنتيجة
اذا الرز منقوع مايحتاج وقت في الطبخ بسرعة يستوي

شوفي حبيبتي استخدمي رز تيجان روعه حبته كبيره واذا تبين سر بعلمك لما تخمرين الرز اشخليه ثم خليه على النار يتشتش خخخ فهمتي ثم كبيه في مرقة اللحم والله تشوفين كيف حبة الرز

رز ابو كاس

طريقة طبخه سهله
تحطين اللي يكفيك انتي وعائلتك
مثلا ٣ اكواب رز تغسلينه وتنقعينه بمويه شبه حاره
تكون دافيه بس مايله للحراره وتخلينه ربع ساعه
بعدين اذا حبيتي تسوينه رز ابيض
تحطين الرز فالقدر انا استخدم ضغط
تحطين الرز فالقدر تصبين عليه شوي زيت يعني قد ٣ ملاعق اكل زيت
بعدين تحطين ملح وتحطين الاجي اللي هو الملح الصيني يعطي نكهه روعه
تحطين خمس حبات هيل وخمس عويدي وعودين قرفه وورقة غار وحده
وتحطين مويه على قد الرز تماما يعني تشوفين الرز بعيونك قدامك
المويه تكون بمستوى الرز مو اقل من الرز لا على نفس الارتفاع
بعدين تحركين بملعقه عشان تختلط المكونات وتسكرين الضغط وتحطين الصمام
وتقصرين اخر شي مره وتخلينه ١٠ دقايق وخلاص تفتحين الصمام
وتخلينه يرتاح شوي الرز ٣ دقايق بعدين افتحي الغطاء
وان شاء باذن الله بيضبط معك واذا كنتي مسويه كبسه
وتبين تحطينه على المرق ماتبينه ابيض نفس الفكره تنقعينه ربع ساعه بمويه دافيه مايله للحراره وبعدين تحطينه على المرق والمرق يكون قده بالضبط شيلي الباقي او الزايد من المرق
وغطي القدر وخليه
هذا الطريقه لرز ابو كاس في قدر الضغط

اذا شرب موية الرز اضيفي زيت زيتون

إذ بسمتي ابيض يكون الماء فوق الرز. قدر نص أصبع

ان كان مزه اصفر الماء يكون قدر أصبع والنار تكون واطيه جداً

وحطي شوي زيت او من المرق

البسمتي. مثل باب الهند المها ملك الأرز

المزه مثل أبو كأس الوليمة الشعلان

الأنواع كثيره بس قلت المعروفات عشان تميزين


موفقه