مجروووحه2017 @mgrooohh2017

محررة

مين الغلطان فينا ؟؟؟؟؟

السلام عليكم

انا وزوجي حصل بيننا مشكله تافهه وكبرررررررت بسم الله الرحمن الرحيم
هي تافهه عند الغالب فيكم ...بس يمكن لان نفسياتنا تعبانه بسبب ظروف قويه مرينا فيها ....
بس حلوها بيننا
اول شي انا شخصيتي عفويه
وهو انسان فيه شي من التحفظ

تربى على التحفظ
وانا تربيت على العفويه
اهلي الغالب مثلي
واهله جدا متحفظين

هو طبعا مسافر له كم شهر
اتصلت عليه وسولفنا شوي
قلت وين رايح ؟؟؟؟
قال طالعين طلعة برية واخذ اغراض القهوه
قلت ماشاء الله تحب القهوه صرت ؟؟؟؟؟
هو عندي يشرب القشر الجنوبي تعرفونه ؟؟؟
وعادي انا نيتي عاديه سوالف يعني
الا هوووو يرد بنررررفزه ويقول عاااادي اشربها وين المشكله
ظن فيني اني بحاسبه !!ليش يشربها هناك مع زملاه ؟؟

وانا نيتي اصلا غير كنت ابيه يسولف معاي عادي ..

وهو فسرها اني بحاسبه ...يعني ظن سيء

المهم بنات هو مايحب اسأله عن نفسه واخوياه وغيرهمن تزوجته ..
وانا مو متعوده على الناس اللي كذا احب العفووويه !😭
اهلي اخواني عفووييين ومنفتحين بالسوالف والاسئلة وماخذين راحتنا

واهله جدا عيب يتكلم الواحد بعفويه وبدون مايوزن كلامه وعندهم احيان ظنون سيئة
لدرجة فيه من بناتهم متزوجات وعندهم عيال مايحبون يسولفون تجيك وتروح وهي زي المخده

وحنا عكسهم سوالف وهذررررره ولو غلط الواحد عادي نضحك
وهم يحتقرونه عكس اهلي

تكلمت معاه ان انا يوم اسالك بعفويه
وهو مايحب ....

احس مكتومه معااااه ومااحب الشخص الغامض والمتحفظ ابدااااااا ولا ارتاح معاه

ولنا 3ايام متزاعلين
كل واحد يقول انت الغلطان
يقول لاتساليني ثاني مره ...
وانا اقول ليش رسمي معاي انت زوجي وتعرفني عفويه

يقول لازم تتعدلين
وانا اقول لازم انت تفك شوي وتصير نيتك طيبه ....

وكبررررت ومو راضي حد فينا يتنازل

بس انا تعبت من شخصيته داااايم اسولف معاه براحتي وبعفويتي وهوووو يسالني واعلمه وكثير اسئله بعد وعادي اجاوبه
وكم مره اقول له شوفني ماسويت مشكله جاوبتك !!

وانا اذا سالته يطيييييير فيني ويقللللللب

الحين متزاعلين كل واحد يقول انت الغلطان لازم تتعدل

يلزم عليك تسجيل الدخول أولًا لكتابة تعليق.

تسجيل دخول

مارولين • 6 سنوات

كانك تتكلمين عني انا وزووووجي😭😆🔪

مناير المملكة • 6 سنوات

لا انتي غلطانه ولا هو غلطان
كل واحد وطبعه يابنت الحلال
عرفتي زوجك مايحب البربره الزايده
ولا الاسئله غير المفيده
خلاص لا تحاولين تغيريته
تقبليه زي ماهو.. وانت فاهمه شخصيته
يعني مافي شي يدعو للاستغراب
دام اهلك يحبون هالسواليف
خلي سواليفك معهم مع خواتك وامك الخ
لا تخنقين زوجك
ولا تفرضين عليه سياستك
بعدين السوالف اذا رجع بالسلامه
بالسفر نطمن على بعض وناخذ المفيد والضروريات

تولان • 6 سنوات

مشكلة. والله. عندي نفس المشكلة بس الوضع مختلف شوي اهل زوجي وزوجي مايحبون احد يسال او يتكلم بعفوية معهم بس هم يحبون يسألون ويتكلمون بعفوية ويحبون يعرفون كل شي. في البداية كنت أعامل زوجي واهله زي مايحبون. الين صار بينا مشاكل كبيرة شوي فقررت أغير أسلوبي. صرت أعاملهم. بنفس اسلوبهم. اذا سألوا ماجاوبت او سرقتهم او قلت ليش تسالون. المهم اني اضايقهم. بأدب وبدون محد يمسك علي شي ونفس الاسلوب مع زوجي. احس حس بالتغير الي صار وضايقه وصار يتبسط شوي

[Faith] • 6 سنوات

شوفي علاقة التليفون فيها مشاكل كثير مو مثل لما تكوني جالسه مع شخص وجه لوجه يشوف تعابير وجهك وتنفهمين اكثر..

واغلب الرجال مثل زوجك ممكن فيه ناس مختلفين بس الغالبيه مايحبون اسلوب التحقيق فين ومين وكيف..

افضل شي بما انك فاهمه علته انك تتقبليه، هذا جزء مهم من المشكله لانك لو ماتقبلتي طبع زوجك بتتعبين وكل بتنعاد مشكله تافهه مثل هذي..

حطي ببالك في رجال فيهم عيوب اسوء من هذا والحمدالله انها جات على كذا فتقبلي تحفظه ولاتكثري كلام معاه..

اللي مثل زوجك افضل اسلوب تتبعيه معاه انك ماتكثري معاه اسئله وتتواصلين معاه بانك ترسليله صور لقهوتك وجوك وخرجاتك، شوي شوي تلاقيه يتفاعل ويرد ويحكيك..

الانسان المتحفظ عدوه الاسئله كل ماكثرتي كل ماسكت اكثر وقفل اكثر، لكن لما تبعدين وتعطيه مساحته وتتواصلين بطريقة الصور معاه بيكون افضل وتقل المشاكل..

ام عليا الشهراني • 6 سنوات

زوجك من القحاطين😅🤣🤣