Ana m3km

اريد حلا ..اريد حلا لبنتي تكفووون

يالله وينكم
خلونا نشد الهمه

انا اذا قام حبيبي بسم الله عليه
مايرضع ابد ع طول ينقز يلعب
عمره سنه وشهرين تقريبا
اذا افطرت اعطيه شابوره يمصمصها
او خبزه مغنيه بالشاهي او قطعه صامولي
ياقلبي يجلس يفطر معي

والظهر ننام نصحى على المغرب عاد احط له رز عليه زبادي اولبن
او رز مع شوية مرق بطاطس
يعني من الغداء بس اهرسه له
وباليل اعطيه زبادي وشوية عسل طبيعي
طبعا الرضاع هـ اعطيه وهو نايم واي وقته هو يبيها الرضاع هـ اسويها واحرص ماء دافي وصحي ومعقم
طبعا لان ولدي كبير
اعطيه ماء برضاعته حقت الماء وممكن احط شوية سكر نبات عشان يفتح شهيته ويغير الطعم له
اعرف ناس بس يعطون عيالهم حليب بحليب وبس
والبزر اسمر معصوب حالته حاله
اتمنى تستفيدو من طريقتي
ادعولي يحفظ لي ولدي ويبعد عني شر ابوه ويشغله بنفسه
تحياتي لكم

ممكن اذا حابين تستفيد من الخضار
تسلقون جزر وكوسا مع بعض بعض ماتنظفونها زين انتبهو اغسلها زين من التراب وبيض الحشرات
اغسلوها
واسلقوها بقدر صغير
واذا بردت حطوها بالخلاط مع ربع فنجان ماء صحي
واكليه بملعقته وصحنه مع شوية رز مصري مسلوق
اذا طفلك ياكل دجاج نتفي جزء من صدر الدجاج المسلوق وافرميه بسكينه وخليها مع الوجبه السابقه
تقدرين تخلينها وجبته الرئيسيه
وبس شربيه بماء بكاسه صغيره
كذا ولدك اوبنتك يتعلم النظام
ويتعلم ياكل بسرعه ويريحك لاكبر يصير معتمد ع نفسه
طبعا انا اتكلم ع الاطفال اللي اعمارهم فوق 9شهور
اذا كان عمره ست شهور
اكليه بس الخضار المسلوقه مع رز بس
ولاتعطينه دجاج لانه بيصير ثقيل عليه
اتمنى الصحه والقوه لولدي واولادكم وبناتكم