شوفي انا متزوجه ..

لكن لو كنت توني بنت وجاأأأني واحد متزوج يطلب يدي ..

اول سؤال راح اسأله : ليش يبغى يتزوج على زوجته ؟؟

يعني هي مريضه ما تقدر تقوم بواجبه و موافقه على زوجه؟؟

زوجته عقيم ما تجيب عيال وبرضوه موافقه على زواجه ..

او منفصلين وبيناتهم عيال وما فيه امل يرجعون لبعض ؟؟

اذا فيه سبب منطقي خلاه يفكر يتزوج ثانيه ممكن اخذ واعطي بالموضوع ..

لكن تكون زوجته وام عياله في بيته ويروح يدور على ثانيه من باب التغيييير !!!!

فمعصي اسلمه باقي حياتي واحط مستقبلي بين ايديه ..

لانه انسان موأ ثقه ومهما حكى وقال وفعل عن الي بيسويه لي .. ما راح اطمئن له

لانه خاين العشره وبياع حكي لان اكيد سمع زوجته نفس العبارات الي قاعد يقولها لي الحين ..

واكثر ما يقهرني لين قال الي يبغى يتزوج ثانيه : مرتي الاولى ما حبيتها من خذيتها !!!!!!

او شكلها ما عجبني من شفتها بس رحمتها واستحيت اقول لاهلها !!!!!

طيب وهذي الانسانه الي كنت طول الوقت تخدعها ..

او تعذبها بتعليقاتك على شكلها ما استحيت من الله بالي قاعد تسويه فيها ..

يمكن لو تركتها جاء نصيبها مع واحد يعجبه شكلها ويحسها ملكة جمال ويحبها ويسعدها العمر كله

وانت جيت وحرمتها مرتين في حياتك .. مره يوم تزوجتها .. ومره يوم تزوجت عليها .. !!!!!!

انا بكل صراحه احتقر الرجال الي يرضى يجمع بين زوجتين الا طبعآآآ اذا كان فيه سبب منطقي ..

لكن الي من ذا والطريق يروح يتزوج مره ثانيه علشانها سمنت او علشانها شانت او عشانها مهمله ..

فمعليش ما اراهن على حياتي مع واحد مو قد الامانه الي بسلمها ايه ..

وسلامتك ..

مفعوصه..اهلين حبيبة البي ..
كلنا نعرف انه ما فيه احد مثل الرسول صلى الله عليه وسلم .. لكن هل تتوقعين انه قلب الرجل من حديد لما يشوف هالاغراءات بكل مكان وخصوصا ان البنات اليوم هم اللي يلحقون ورا الرجل ..واكيد تشوفين هالشي بالاسواق ..

وبعدين فيه ناس كل سنه برا ولما اسأل حريمهم ليه ماتخلونهم يتزوجون بدال لايجيبون لكم مرض ووشلون تطيقونهم وهم كذا يقولون لانك ماجربتي غيره الزواج الثاني >>>>>ساء لهم كيف يحكمون

يعني مو كل من تزوج عليها زوجها لان فيها نقص بالجمال او اي شي ثاني لكن دائما اقول الحلال ارحم حتى وان كنا مانبيه ..

وبالنسبه لي قبل الزواج كنت اتمنى اكون زوجه ثانيه لاني ابي رجل متوسط العمر يعوضني عن حنان الاب >>> ابوها مات وهي صغيره

وكانت احلام مراهقه والحمد لله ان الله عوضني بالافضل وبزوج بقراطيسه ههههههههههه

:26:

السلام عليكم

بصراحه مسسسسسسسسسسسسسسسسسسسسسسسسسستحيل ارضى

مالي الا 5 شهور متزوجه وبتاخذونه خلوني اتهنى ههههههههههههه:44::44::44::(:44:

لاأنكر غيرتي من الأمر كاي أمرأة ،ولكني أيضاً لا أرفض الأمر أبدا ً.
فأنا أطمح حينها بصاحبة لي أصادقها وأحسن معاملتها فتبادلني بالمثل ،نتساعد ونخرج سوياً ونتسوق مع بعض، ونتشاور أش المانع ؟؟؟؟؟؟؟؟؟
خصوصا لو هي أرملة .
أما رضاك بالأمر فبمعرفتك لصفات زوجك تقررين.

وانا أقول للبنات اللي يقولون لالالالالالالالالالالالالا مانرضى بمعدد :
لالالالالالالالالالالالالالالالالالاتسووووووووووون أنفسكم !!!!!!
وأحمدوا الله إذا أخذتوا رجال وزوجته راضية ، بس تأكدوا من شيء واحد انها راعية دين وطيبة .
هنا تنتهي المشاكل إذا أنت قدرتيها وخاويتيها ونسيتوا الثنتين أن بينكم رجال.
وزوجك إذا صار عندك حلالك، وإذا صارعندها اعتبريه طالع مع الربع وبايتين في البر.(الكلام هنا للثنتين).
بنات شوي من التفكير في غيركم بس تفكير صح ،بعيد عن العواطف ،بس العقل اللي يشتغل وقتهابتوصلون للي قلته.
يعني الوحدة فينا لو هي أرملة أو مطلقة،أو يتيمة،لاقدر الله ما تتمنى تلقى زوجة ترضى فيها شريكة ويعيشون سوى في سعادة ؟؟
(أنا متزوجة ولله الحمد من رجل ولاكل الرجال )حتى ما تظنون اني أدور.

يالله بنات اللي موافقة تشاركني زوجي تراسلني وأتعرف عليها و يكتب الله خير .
لاتفكروني عجوز لو اعلمكم كم عمري ما تصدقون ؟؟
أنا قدي بنات ما تزوجوا .

من ناحيتي أنا أولا الحمدلله اني متزوجة بس والله مادري كيف بيكون مصيري اذا ماكنت متزوجة وطلبني واحد على زوجته الأولى.. بس رايي اللي مايتغير أبدا اني أكيد مابرضى أكون زوجة ثانية.. ولا برضى انه يتزوج علي.. مب أنانية والا شي لاااااااا هذا طبع الحرمة.. ومثل ماقالوا البنات أكون فرحته الأولى وهو فرحتي الأولى والأخيرة بعد.. الا بحالة انه مرته مريضة وأهم شي تكون راااااااااااااااااااااااااااضية كل الرضى عن هالزواج.. لا وبعد بشهده بالمحكمة انه مايتزوج عليه الا بموافقتي.. (( لو شوووووو ماوافقت ))

يقولج كل السفن تمشي اللي السفينة اللي عليها ضرتين ماتمشي.. وصدق انه أغلب الرجال حاليا اللي متزوجين أكثر من وحدة ماقادرين يتأقلمون ويا الوضع لأنه كل وحدة ومتطلباتها والغيرة بعد أهم عنصر بالسالفة بعكس القبليين يتسامحون ويرضون باللي الله كتبه الهم..

صح النبي عليه الصلاة والسلام سن هالشي لاكن حتى زوجاته رضي الله عنهم كانوا يغارون من بعض وخاصة السيدة عائشة..

والسموحة من الزوجات نمبر 2..



ديلارا شكلج زوجة ثانية صح؟؟؟ مادري فهمت هالشي من كلامج.. واسمحيلي ترى ماقصدي شي بس مجرد سؤال لا أكثر؟؟



استغربت الصراحة من ردج الا اذا كنتي بعدج مب متزوجة لأنج مب مجربه كيف بتتعلقين بالريال وبتغارين عليه حتى من نظرات الباقين.. وبتحاولين تسويله اللي يباه بسبيل انه مايشوف غيرج.. ترى فعلا الكلام شي والواقع شي ثاني ولو كنت بمكان الأولى أبدااااااا مابترضين حتى لو باين عليج الرضى!!



الله يهنيج ان شالله دنيا وآخرة وحافظي عليه وان شالله محد بياخذه منج.. بس صدق أحسها طالعة منج ومن خاطرج والله هههههههههههههه.. وعاد أنا أقول متزوجة من 5 سنين وبتاخذونه مني خلوني أتهنى بالعمر الباقي معاه هههههههههه



الا بتم على نار وقلبي لابق ماظن ينطفي.. يعني أبسط شي بفكر فيه انه يعاملها وووووو بنفس اللي يسويه وياه.. أنا ضدددددددددددددددددددددد هالشي.. ماتخيل..



تتكلمين جد والا:06:؟؟ غيري كلامج عن تندمين هههههههههههه