اسلام عليكم ..
بدون مقدمات طويله عريضه ..
باقول لكم الزبده .. قبل الزواج كنت مظرب مثل بالكشخه والذوق .. والريحه السنعه .. كنت لما امر من احد يتفت على غصب من اناقتى وريحتى ..وكنت اروح المشاغل وانواع العنايه .. كان كل وقتى بالسوق وعلى راحتى ..
بعد ازواج !! للاسف تغيرت 180 درجه .. للاسوأ
صرت ما اهتم بنفسى ولا عندي وقت .. لانى اطلع اصبح للعمل وارجع البيت ما عندي خادمه وعندي اطفال ..
ما القى وقت فراغ ولما القى اخليه للنت او للقهوه يعنى ادلع نفسى ..
الحين لما اشوف شى بالنت واروح ادور عليه واحصله واكشخ فيه القى الناس تركوه ..
انا ما عندي وقت انزل السوق كل شوى او ادخل النت كل شوى .. ولما اشوف شى ويعجبنى اتعب على بال ما ادوره واحصله وباالاخير مثل ما قلت لكم يكون صار قديم ..
المشكله ان المجتمع اللى حولى كشخه ودايم على الموضه بصراحه تعبت .. صحيح احيان اطنش واقول عيشى حياتك وانبسطي .. واحيان اموت قهر .. اقول ليه انا ما اصير نفسهم ؟
مشكلتى انى وحيده ما عندي خوات ولا قريبات ولا صديقات صدوقات .. والله انى احزن احيان ابكي من الوحده وعلاقتى باهل زوجي رسميه .. يعنى ما اقدر اسالهم .. ولا ابى اكون اقل منهم ..
اتمنى اقى اخت تتبناني وتعلمنى كل شى تساعدني .. وتسوى لى نيو للوك على الموضه تخلينى اكون مره وحده نجمة الحضور .. ترجع لى زمانى اللى فات .. ترا انا مو عجوز .. لا لا بس الشغل ماخذ كل وقتى .. ابى وحده تساعدنى وتقول لى سوى كيذا ..
دخلت النت بصراحه اطلع بدون نتيجه القى اشياء حلوه بس ما ادرى وين القاها بالسوق ..
المكياج ما اعرف استخدمه ولا اعرف احسن شى ولما ادخل القسم المكياج اتعب من الكتابه وهذى تقول ماكس فاكتور حلو .. والثانيه تقول مو حلو .. وادخل بمتاهه !!!
اقول توكلى على الله واروح السوق واشترى اشياء وبعدين لما ارجع للبيت ما اعرف انسقها .. دولابى مليان بلايز بدون تنانير وتنانير بودن بلايز .. عندي نقص في كل شى ما عدا الجزم اموت فيها امشى واشترى بيتى انترس شباشب الله يكرمكم ..
وبما انى استفدت من المنتدى كثير .. واشوف بنات عندها قدره وابداع ما شاء الله تبارك الله ربي يعدهم ويحفظهم ويخليهم لعيون ترجيهم قلت ليه ما اعرض طلبى على البنات بالمنتدى .. اكيد اللى تحب الزين تحب تقدم خبرتها للاخرين ..
الله يسعدكم اللى تلقى عندها استعداد ووقت ممكن تقدمه لاخت لها اكون شاكره من اعماق قلبى ...
الله لا يحوجكم لاحد ..
أم محـمـد @am_mhmd_4
محررة فضية
يلزم عليك تسجيل الدخول أولًا لكتابة تعليق.
عزتي مالها حد
•
انتي اخت وعزيزه اسالي ياقلبي واحنا نجاااااااااااااوب وغير كذا انتي وين ساكنه من شان نعلمك بالاسواق الزينه والمحلات الكويسه ’’’
انتي اخت وعزيزه اسالي ياقلبي واحنا نجاااااااااااااوب وغير كذا انتي وين ساكنه من شان نعلمك بالاسواق الزينه والمحلات الكويسه ’’’انتي اخت وعزيزه اسالي ياقلبي واحنا نجاااااااااااااوب وغير كذا انتي وين ساكنه من شان نعلمك...
:26:
الصفحة الأخيرة