مين تعرف الشكشوكه

مرحبا ..

طريقة الشكشوكة ..

هي عبارة عن بيض و طماطمو فلفل أسود و ملح ..

و بصل أختياري ..


تقطعين الطماطم مكعبات صغيرة و البصل الابيض او الاحمر عادي تقطعينه بعد

و تحطينهم في مقلاة تقلبينه لين يدوب الطماطم شوي يصير لين حطي معاه فلفل اسود

و ملح و ملعقة زيت و قلبينهم زين و الحين كسري البيض حطيه جاهز عندك في زبديه اخلطيه و حطيه مع الطماطم و البصل و قلبيه لين ينشف من الماي الي بيطلع من البيض و بالهناء و الشفاء ..

أتمنى أنها الطريقة الي تبينها .. و اذا ما عرفتي شي أسألي ..

تحياتي


جوهرة الالماس

اختي معزوفة حنين

أنا طريقتي اقطع البصل مربعات صغيرة...والطماطم...وأحط زيت في مقلاية التيفال بعدين البصل وأقلب الى ما يصير ذهبي..بعيدن الطماطم وأقلب الى ما يستووا...وبعدين أجيب قرن فلفل أخضر احطه في النص...وتكوني محضرة 4 او 5 بيضات على جنب اخبطيهم مع ملح وفلفل اسود وصبيهم فوق البصل والطماطم..ولما يستوي من تحت شيليه..ودخليها الرفن من فوق بس عشان يستوي السطح وخلاص :)

جوهرة الالماس
**بشايـــــــر**
هلا فيكم بس انا اسويها لزوجي بنفس الطريقه الي قلتوها بس ما تعجبه بس لما اذوقها والله زينه هو اكلها من يد الطباخ الي يطبخ لعمي الي هو ابوه بس كيف يسويها مدري

شكرااااا جزيلا لمروركم حبيباتي وانشاء الله اخدمكم مثل ما خدمتوني

يمكنك ايضا اضافة على ماقالته الاخوات أن تضيفي الباذنجان والكوسة المقطعة صغيرا جدا تضعيهم مع البصل حتى تستوي قبل وضع البيض, ايضا من أساسيات الشكشوكة الثوم والزيتون والبقدونس المفروم ناعما.ولكن المهم في إعداد الشكشوكة وحتى لا تفسد أن يكون الزيت او الزبدة قليلا جدا جدا مجرد قطرات لتسوية الخضروات وايضا تاكدي من أن الطماطم لا يحترق.وسلامي

انا اقولك طريقتي وان شاء الله تعجبك
قطعي البصل مربعات صغيره في مقلاه وعليها كميه قليله من الفلفل الأخضر وحطي زيت حركيها شوي وقبل مايحمر البصل
حطي كميه البيض اللي انتي تبغين وحركيه بسرعه وتكونين مجهزه طماطم مقطع صغير وضعيه على البيض وحركيه ثم املحيه وفلفليه وقدميه بالهناء
طبعا الطبخ يكون على نار هااااااديه