مين تعلمني ذرابه وسنع في الكلام ارجوكم كلكم اد خلو

😳😳😳😳

معقوووووله ماتعرفين تردين اذا قالوا كيف الحال عادي

كيف الحال // الحمدلله بخير كيف حالك انتي
اخبارك // تمام الحمدلله كيف انتي إِيش اخبارك
وش مسويه // ماشي الحال

اما حركات الشات يدوم نبضك وهالخرابيط مالها داعي يدوم نبضك ويدوم عزك احسها خرابيط
مافي الحين احد مايعرف !!!!!




حسبي من الفخر انك والدي وحسبي من الحزن انك تحت الثرىً
،،

انا ماعرف وش يعني ؟ ذرابه ولا سنع -,

كان قصدك رد وكلام موزون

عادي اطفال يعرفون يردون .. انتي ناقصك ثقه فقط





ومو كل شي ينرد عليه بعض كلام يكفيه ابتسامه :ohwe:

هذى يبي لها جراءه قبل كل شي
وفاهمه الي فيك حياء مو بمكانه
وتوتري اذا احد سالك
وهذا دليل انك ماخالطتي كثير مو اجتماعية
حبه حبه تتعودي
اذا احد جاء
رحبي : هلا بك تو مانور البيت تو ماتبارك حياك فوتي
بصوت واضح مع ابتسامه
ولازم كلامك يكون نابع من القلب

اذا احد سالك
ردي بخير الحمدلله ربي يسعدك
او اذا دخلتي ع ناس سلمي بصوت واضح ومسي عليهم
انا مثلك بس قلت الى متى ع كذا ماراح اثبت وجودي
والحمدلله امشي حبه حبه
مع مخالطتك لناس راح تتعلمي اساليب كثيره
لا يكون هالشي اكبر همك راح تتعبي
اهم شي تخالطي الناس وتعزمي

انا مستعدة أعطيكِ دورة بالمجان

اذا احد قال شلونك شخبارك ؟ قولي تمام الحمدلله و انتي شلونك ؟ شمسويه ؟
و اذا جو عندكم ضيوف و انتي تستقبلينهم قولي هلا والله حياكم الله تفضلو من هالكلمات
مثلاً اول ماتشوفينهم قولي هلا والله راح يقولون هلا فيك روحي سلمي قولي شلونكم شخباركم بيردون عليك ،
و بيسألونك انتي شلونك و ردي عليهم تمام الحمدلله .
بعدين قوليلهم تفضلو حياكم الله و دخليهم المجلس او الصاله
و شوي شوي راح تصير تلقائياً بلسانك اذا تعودتي
جربيها مع اخوانك و خواتك وصديقاتك و ضيوفك و جيرانك راح تلاقين نفسك تعودتي عليها ..