سهل الجريش يااختي اذا أنتم شخصي تكفي لكم كاستين حقت المويه جريش اغسليه زين ثلاث مرات الى اربع مرات بس بموية الحنفيه العاديه وحطي عليهم رشة ملح وحبتين فلفل احمر حار حبحر وصبي عليه مويه دافيه وخليه على جنب جهزي صدور الدجاج صدرين اغسليهم زين بالخل والملح واشطفيهم بالماء وبكبرهم وحطي عليهم مويه وحبات هيل وشبي عليهم الين يستوون في هالوقت قطعي بصل صغيره كاساتين مويه وعلبه وسط الي هي واحد لتر لبن اربع ملاعق ماجي ابيض أصبع زبده فلفل احمر حبحر حبتين وأربع ملاعق كبيره كمونومثلها زيت وشوية ملح واذا خلص الدجاج واستوى خذيه ونتفيه قطع كبار وخذي مقدار كاستين من مويته جيبي قدر كبير حطي البصل والزيت وكشنيه واول مايصفر البصل حطي الدجاج وحركيه حطي المويه العاديه الي هي كاستين والفلفل الاحمر والماجي الابيض وخليهم يطبخون عشر دقايق ضيفي الجريش بعد ماتشيلين الفلفل من موية الدجاج والي مع الجريش وحركيه وضيفي موية الدجاج والفلفل كل الأربع حبات وكأس مويه زياده وغطيه بالقصدير وهدي عليه النار لمدة ساعه بعدها افتحي القدر ووخري القصدير وصبي اللبن كله واغرسي جوات الجريش أصبع زبده ورشي على وجهه الكمون وارجعي غطيه مره ثانيه بالقصدير والغطاء حق القدر وهو على نار هاديه مره وخليه ثلاث ساعات كامله وبعدها شيلي الفلفل وحركيه بالاتجاه واحد ويفضل المعصد الخشب او بالملاس مع الدق لتحت ورجعيه على النار وزيدي ملحه اذا يبي زياده وزيدي شوي كمون ورجعي الفلفل بس نصف ساعه تخلينه وقبل التقديم ارجعي اعصديه بعد ماتشيلين الفلفل وقدميه في بوادي او صحن الي تحبين والزبده حقته شبي عليها الين تصير مايله للبني صبي عليه بعد الغرف وزينيه باحبات الفلفل الي كانت مع الجريش واذا تحبين ممكن تسوين كشنه وتحطينه فوقها او بس ترشينه بالبهارات حقت المسمنه

ايش فيكم يابنات ؟؟؟
فيه فرق بين الهريس وبين الجريش

الهريس مايضاف له حليب ولا لبن وحبته طويله وهو اللي يبقى بالساعات ع النار وتضربين فيه كل شوي ويحط معاه بصل ولحم وملح من غير ماتكشنين ولا شي ومويته تكون كثير


الجريش تجي حبوبه مكسره وهذا يطبخ باللبن او الحليب ومايستدعي يضرب بالمضرب وع القدر الضغط ماياخذ اكثر من ساعتين