حتى انا والله ابغى الطريق المضبوطه الظاهر ان طريقه القلي


ابغى اعرف الزيت يكون حار جدا او متوسط الحراره
وحده قالت لي اول الزيت حار مره عشان تكبر ثم قصري عليه شويه مع التقليب المستمر حتى تستوي من الداخل
هل هذي الطريقه الصحيحه ولا لا

للرفع

http://forum.hawaaworld.com/showthread.php?t=678150

هاذي طريقتي وصدقيني اكثر العجاائن حلوه بس حنا ماانظبط المقاادير السايله فتصير تششرب زيت..

اهم ششي تعجينينها صح وماتصير سايله لانك بتحوسين الدنياا

انا اول كم مره سويت لقيمات سويت اشياء ماتنوكل خخخخخخ

غير شرب الزيت والشكل الحمدلله والشكر
جربت اغلب العجااائن اللي بطاطس واللي جاهزه واللي بالروب وهاذي اكثر شي عجبني
مرات بدال امااء احط لبن وتطلع واااو جربيها وردي لي خبر اذا مااظبطت معك عشان نكتشف اسباب الفشل قبل رمضاان ^_^

وبالعاافيه ..!!

عندي طريقتين وكلهن حلوات

الاولى:

2 كوب دقيق الكويت
فنجال زيت
فنجال حليب بودرة
فنجال غير ممتلئ تماما سكر
فنجال نشا
ملعقة خميرة
بيضة
ملعقة صغيرة ملح
رشة حبة سوداء
رشة شمر او حبة حلوة
تخلط المقادير الناشفة ومن ثم تضاف السائلة وتعجن بكاس ماء دافي جيدا وتكون العجينة طرية وثخينة وتغطى وتترك لتختمر وقبل القلي بربع ساعة يضاف اليها ملعقة صغيرة بيكنق باودر وتعجن وتترك الى ان يحتمى الزيت وتقلى وتقلب حتى يشقر لونها ويصبح ذهبيا .
,,,,,,,,

الطريقة الثانية

2 كوب دقيق الكويت
نصف فنجال زيت
3 ملاعق حليب بودرة
ملح
ملعقة سكر
ملعقة خميرة
بيضتين
تعجن المقادير بكوب غير ممتلئ من الماء الدافي وتعجن جيدا وتترك لتختمر
وبعد ساعة من اختمارها تخلط ملعقتين نشا مع عصير ليمونة وتضاف الى العجينة وتعجن جيدا وتترك نصف ساعة لتختمر وتقلى بزيت محمى مسبقا وتقلى على نار هادئة وتقلب حتى تشقر لونها .

...................

لنجاح اللقيمات:
- ينخل الدقيق ليدخل الهواء
- تكون كل المقاير السائلة بحرارة المطبخ وليس من الثلاجة
- يحمى الزيت مسبقا على نار هادئة لان التحمية السريعة تحرق اللقيمات وتجعلها تحمر من الخارج سريعا وعجين من الداخل

.....

وايضا هناك الخلطة الجاهزة للقيمات مثل هونيق .. اضيفي الى الخلطة بالخلاط 3 ملاعق جبنه بيضاء( مثل البقرات الثلاث) واستغني عن الملح مررة لذيذة .

وكل عام وانتم بخير

عشان ماتشرب الزيت قصتها في طريقة القلي
يعني لازم زيت اللقيمات جديد او على الاقل استعمال مرة وبعدين حميه زين واذا صار حار جدا طفيه شوي وارجعي شغليه وقصريه عشان تخف حرارته شوي وابدئي حطي اذا شفتي اللقيمات على طول بدت تلون اصبري شوي لاتحطين استني تخف حرارته زيادة وبعدين حطي وقلبي تاخذ وقت وانت تقلبين ارجعي طوليه شوي ثم قصري وخلاص طلعيها واصبري خمس دقايق اواقل وحطيها في شيرة بارده جدا يعني من الثلاجة وبتشوفي الفرق مهما كان نوع اللقيمات وعجينتها واتمنى اكون افدتك وبالعافيه