عواطف تركي . :

القلق والتفكير الزايد هم السبب الكورتيزول عندك مرتفع للاخر ومأثر عليك لازم تروقين وتهدأين وهذا القلق يفترض تستخدمينه في مكانه الصحيح يعني قلقك هذا يقول لك ادرسي ذاكري بكل بساطه تقولين صعب اقول لك معليش وحتى اذا صعب خذيه حبه حبه لا تفكرين بالباقي او كل المنهج وكل يوم قرري تحفظين وتراجعين نص الكلمات الصعبه عليك والنص الثاني عادي أجليه لوقت ثاني صدقيني اذا قسمتي وجزئتي الحفظ والمراجعه بيسهل عليك وتحسين نفسك مرتاحه لانك انجزتي شي ونص على نص من المذاكراه والحفظ بتلاقين نفسك بعد اسبوعين ثلاثه عندك مخزون قوي من الكلمات والمصطلحات والجمل اللي تخفف عنك بالدروس اللي بعدها هي بس البدايه صعبه لانه شي جديد عليك وهذا الشي اللي مخوفك ومسبب لك صدمه انك متخيله نفسك تدرسين شي ماهو مخزن بذاكرتك وتوك تتعرفين عليه جربي طرق مذاكره مختلفه عن اللي ماشيه عليها سوي لك ملف من خلال قوقل Drive ملف جداول بيانات واكتبي فيه الكلمات الجديدة بكل درس وجنبه الترجمه وكل مافضيتي او طلعتي مشوار طويل بالسياره او حتى قبل النوم بساعه افتحيه اقرأي منه وراجعي حفظك هذي الطريقه جربتها في تطوير الانجليزي واستفدت منها ومثل ماقلت البدايه هي الصعبه لان عقلك توه يتعرف على هذي الكلمات بعدين خلاص يألفها اما بخصوص النوم اذا خففتي القلق والتوتر بينحل عندك كل شي المشي عشر دقايق مع التنفس العميق يساعد في تخفيف الضغوطات النفسيه كذلك مكملات المغنيسيوم مفيدة للاسترخاء والمساعدة على النوم حبه قبل النوم بساعه او ساعتين جرعه لا تتجاوز 400 مليجرام واخر شي بقوله واذا رسبتي وش بيصير ؟ فداااك ، النجاح ان ماجاء الحين بيجيك بعدين لكن الصحه مابدالها صحه روقي وهدي اعصابك وذاكري بقدر استطاعتك وجربي طرق مختلفه في الحفظ ولا تستخدمين اسلوب التهديد الداخلي بالرسوب لانه يلعب ضدك للاسف ما يحفزك ولا يريحك

القلق والتفكير الزايد هم السبب الكورتيزول عندك مرتفع للاخر ومأثر عليك لازم تروقين وتهدأين وهذا...

اولى ثانوي :

الله يرفع قدركم والله استفدت من نصايحكم جداً ❤️‍🔥❤️‍🔥 وفعلا واذا رسبت بالطقاق 🙄🙄🙄😭😭

الله يرفع قدركم والله استفدت من نصايحكم جداً ❤️‍🔥❤️‍🔥 وفعلا واذا رسبت بالطقاق 🙄🙄🙄😭😭

روح حرة* :

باذن الله فترة وتعدي وتنجحي وتاخذي شهادتك الله يطمن قلبك يارب ويفتح عليك فتوح العارفين

باذن الله فترة وتعدي وتنجحي وتاخذي شهادتك الله يطمن قلبك يارب ويفتح عليك فتوح العارفين

اولى ثانوي :

لا عين ولا شي بس دراستي بالانقلش وانا ماش فيه صايره مفزوعه وخايفه وصعب كل شي علي

لا عين ولا شي بس دراستي بالانقلش وانا ماش فيه صايره مفزوعه وخايفه وصعب كل شي علي

نور :

ترا كلامها صحيح

ترا كلامها صحيح