كوبونات الراقية تسجيل الدخول

حلاها مبتليها

مين حاسه انها حامل هالشهر..الله يحييها

الحمل والإنجاب •

اخواتي الحبيبات بنات حواءوالله انا متابعه ممتازه لهالمنتدى الرائع جدا جدا جدا
يمكن من تقريبا خمس سنوات و توني الي قدرت انتسب بالقوه ماشالله شكله زحمه هههههه
المهم يالحبيبات انا عندي بنت وولد والولد عمره تقريبا 3 سنوات و7 شهور يعني خلاص رجال وانا لي قرابة السنه ماعاد نستخدم انا وزوجي الواقي الي هو كان طريقتنا لمنع الحمل لاني انا وياه نخاف من الحبوب واللولب من كثر مانسمع من هالقصص الي يقول انها تعقم ووووو المهم اول ماجبت الولد وبعده لين ماصار عمره سنتين وانا كل من سالني قلت اعوذ بالله الله لا يقول اني احمل ياختي بدري.. وليه ..والمدرسه.. ولا بعد كنت ابي احمل في وقت على كيفي وازبط لاجازة الامومه لكن ربي حافاني بلساني وانا الحين ودي احمل باي شكل حتى اظن لو ماخذ اجازة امومه راضيه والله اني شكيت بنفسي وصرت اقول معقول هذي انا الي كنت اقدر احمل لو من الهوا والا حتى لو زوجي ارسلي فاكس او كلم بالتلفون اكيد باحمل >>>ههههه ياواد يا واثق :22:
المهم والله يابنات من يوم قررت احمل وربي ما اراد وانا كل ماجات الدوره وانا بكا ونياح استغفر الله كني عقيمه حتى امي صارت توسوس مني وزوجي صابته عقده وصار يخاف يوم يقرب وقت الدوره وهي كمان الست الهانم صارت تسوي حركات اكشن وافلام مره تتاخر يوم ومره يومين واقصى شي 4 ايام وانا عاد تبدا عندي الاحلام الورديه وتبدا الهذره على اذن زوجي شوي واكلها شكلي حامل....لا مو حامل...لا شكلي حامل...بالله وش رايك انا حامل او لا...ويالله لين ماتشرف المحروسه ويبدا بعد الاكشن الفلم التراجيدي وجهزوا المناديل
المهم هذا الشهر عاد المحروسه غايبه 8 ايام يعني شكلها مازبط الفلم معها او انها تبي تزود مستوى الاثاره مادري عنها بس انا عندي احساس قوي جدا اني حامل لان صدري صار ناط متر قدام ويابس مثل الحجر ومرتين حسيت دوخه وامس بالسوبر ماركت حسيت غثيان فضيع وشفت الدنيا تلف وتدرون اني بديت اتوحم على >>>> الرز .... الله يديم النعمه الناس يتوحمون على شي راهي وانت ماتتوحمين الا عالرخيص يابخت الرجال
انا قلت ما استعجل عالصدمه من بدري واحلل الحين قلت خل يمر 10 ايام واحلل واكيد ان شالله هالمره ماتخيب يارب ادعولي يابنات والي عندها امل هالشهر مثلي ياليت تتفضل يمكن نبشر بعض وان شالله ابشركم ان طلعت النتيجه +++
127
17K

يلزم عليك تسجيل الدخول أولًا لكتابة تعليق.

تسجيل دخول

ام جود وديم
ام جود وديم •
قصتك محزنه ويا خوفي اصير زيك انا عندي بنتين ودايم كنت اقول توني منيب مستعجله ومن هالكلام واللحين ابغى احمل وان شاء الله الشهر هذا احمل ياااارب
وسن.
وسن. •
هلا اختى عاد انا بدايت قصتك زى قصتى بس ولدى دخل الخامسه من 3 شهور
والدوره متاخره سويت تحليل وماطلع شئ عاد الصدق مامنيت نفسى مع ان عندى اعراض حمل من دوخه وحكه ونوووووووم بس مانى متفائله
عاد انا تونى مالى شهر من تركت حبوب الحمل ......والله يكتب اللى فيه الخير
بس طمنينا اذا سويتى تحليل .............ويارب تكونى حامل
وسن.
وسن. •
نست اقولك لاتجلسين تفكرين كثير لان احيان النفسيه تاثر على الحمل وتاخره

وبما انا فاضيات خلنى اسولف لكن عن تعبى
بنات احس بدووووووووووخه وارهاق بس عاد الدوخه فضيعه ماقدر اوقف شوى الا وكل الدنيا تلف وحكه بجسمى كله ......قريت انها من اعراض الحمل وانا ماكنت عارفه
وانا ماتحوم فى حملى علشان كذا مانى عافه اذا فيه حمل او لا
وسويت تحليل حمل منزلى ودم بس مافيش اشئ .........بس عاد انا استعجلت لانى اخاف يكون خارج الرحم <<<<سبق وحملت خارج الرحم





ام جود وديم
الله يرزقك هالشهر يارب ونمشى سواء
وردة عشق
وردة عشق •
ههههههههههه
والله اعجبتني ان الدوره بتزيد الاثاره
الله ينولكم اللي ببالكم يابنات وانا معاكم
اناالدوره مو عدها بكرا وان شاءالله ماشوفها الا بعد 9 شهور
احس بالام الدوره مغص والم بالظهر واللي انتم خابرينها واحساسي انها بتنزل بكرا احساس
لاني ماحس اني حامل بس الله يخيب ظني يارب
ام جود وديم
ام جود وديم •
وسن. وسن. :
نست اقولك لاتجلسين تفكرين كثير لان احيان النفسيه تاثر على الحمل وتاخره وبما انا فاضيات خلنى اسولف لكن عن تعبى بنات احس بدووووووووووخه وارهاق بس عاد الدوخه فضيعه ماقدر اوقف شوى الا وكل الدنيا تلف وحكه بجسمى كله ......قريت انها من اعراض الحمل وانا ماكنت عارفه وانا ماتحوم فى حملى علشان كذا مانى عافه اذا فيه حمل او لا وسويت تحليل حمل منزلى ودم بس مافيش اشئ .........بس عاد انا استعجلت لانى اخاف يكون خارج الرحم &lt;&lt;&lt;&lt;سبق وحملت خارج الرحم ام جود وديم الله يرزقك هالشهر يارب ونمشى سواء
نست اقولك لاتجلسين تفكرين كثير لان احيان النفسيه تاثر على الحمل وتاخره وبما انا فاضيات خلنى...
وسن متى موعد دورتك الشهر هذا انا باقي لها 5 ايام وانت؟؟؟

آآآآآمين ونتابع سوا ان شاء الله