اهل صلاله ناس محترمين و حبوبين
بس المشكله من السواح اللي من دول الخليج الاخرى...معاكسات و شلل و مسيرات بس مب الكل طبعا

اما عن الاسواق...ما شفت فيها شي ابدا يستاهل ينشرى الا طبعا تذكارات مداخن و دخون و لبان و هالسوالف.. ولا تنسين تشترين الثوب الظفاري..ذكرى حلوه..سوق الحصن يبيع هالسوالف لا تنسين تمرين عليه

و في مطعم اسمه مطعم حسان بن ثابت...انصحكم تشترون غداكم من عنده و تشلون حصيركم و تروحون تتغدون على الجبل...احلى شي...
اما عن السكن اغلب اهل الخليج يسكنون في الحافه..و في فندق لونه اسود نسيت اسمه و مقابله شقق فندقيه هذيل زينين..اما الهوليدي وايد بعيد و موحش
و السمووووووحه:24:

طيب كم الفتره الكافيه للاستمتاع بالطبيعه الحلوه فيها

اسبوع يكفي و يزيد
اسبوعين قمة الملل
و السموووحه:26:
لا تنسون تروحون البحر صوب النافوره
و وادي اللبان
:27:

مشكوره لون المطر

اختي لون المطر اسمحيلي هي ما ينمل منها ابد مشاء الله جو وخضره وبحر ومطاعم على شكل غرف على البحر
وجبال تكسوها الخضره والضباب سبحان الخلاق
بس يكون افضل لو يسافر لها مجموعه من اقاربك معك بتكون افضل لاني سافرت انا وزوجي بس احس ملينا على طول
لانها ما فيها مطاعم كشخه ولا فيها اسواق سنعه
بس شفت مجموعة عوائل يشوون وياكلون يسولفون ويتقهوون
وحنا جالسين نتفرج على الرايح والجاي مالنا شغل
وانا احس دبي افضل لزوجين لانك كل ساعه بمكان اما العائله الكبيره يفضل صلاله بكثير