انا مليت منها لان مثل ما قلتي "لانها ما فيها مطاعم كشخه ولا فيها اسواق سنعه"
طبعا عقب دبي ما يملى عيونا شي :27:

و فعلا حلاتها يوم تروحووون شله كبيره..يعني مجموعة سيارات...لان نحن نسير بالسياره
اما بروحنا يكون ملل...مع ان يوم كنت اروح كان بعدني ما عرست و اسير ويا العائله اللي هي كلها 9 ماشاء الله...و كان حلو يعني...بس احلى يوم عائله ثانيه معانا...او نتعرف على العوائل الاماراتيه اللي هناك
و السموووحه:24:

:23: :23: :23: :23: :23:

أنا رحت لصلاله السنه الي فاتت هي رائعه جدا من ناحية الطبيعه بس لكن أسواق مطاعم مراكز ترفيه مافي ممكن تروحي البحر تتمشي على خضرتها وطبيعتهاأهلها محافظين ومحترمين لكن ماطولت فيها 5 أيام بس

وسلامتكم

اهلين اختي حبيت اساعدك بصراحه السنه اللي فاتت سافرت لصلاله واتمنى اروح مره ثانيه لانها طبيعه ولا في الخيال كل الارض مروج خضراء وجو حلو لكن اقولك سافرت بالسياره من الرياض الى صلاله الطريق طويل ومتعب لكن لما وصلنا نسينا انا وزوجي وولدي فقط سكنا فندق الهناء سعر رخيص وافطار مجاني ومافيها اسواق الا سوبر ماركت اللؤلؤه قدام الفندق مباشره ومطعمين اكلهم صيني رخيص ولذيذ بالمره مافيها اسواق لكن يقام فيها مهرجانات بدايه الخريف عندهم ويكون عباره عن معرض صناعات في ركن والعاب وملاهي بركن ومطاعم ركن وحيوانات بركن وبصراحه حلوه مامليت منها واذا بغيتي زياده معلومات مستعده على فكره ماعمري شفت مثل طيبة اهلها خدومين للغايه ومحترمين0

انا زرت صلاله مرتين اول مره كان عمري 9 سنين وثاني مره 18 سنه
واهل عمان اصلا معروفين بالكرم والطيبه والاحتشام
واحنا ما نسكن في الفنادق , نستاجر بيوت او شقق مفروشه
واحلى شي يوم انسير نشرب عصير قصب السكر وجوز الهند
وكنا نطلع رحلات , مثلا زرنا ظلكوت وهي تبعد 180 كيلو عن صلاله على حدود اليمن
وعندج قبر النبي ايوب وعمران عليهم السلام
وعندج منطقة المغسيل اتشوفين النوافير الي تطلع من الارض
وبعد المهرجان الي ايسوونه كل سنه فيه العاب حلوه مثل الي عندنا
ويسون معارض بعد
وانسب وقت هو ما بين شهر7 - 9