NADA 99
•
السلام عليكم اخواتي..انا سبق لي السكن اكثر من سنتين ببريطانيا وراح احاول افيدكم بكل مااقدر وهذي بعض النصايح نصحتها لأخت كانت خايفه من السفر (( للمعلوميه الاخت هذي سافرت برمضان)) لكن بغيت انصحك بعض النصايح.. أول شيء خذي معك كثير من اغراض المطبخ (أشياء عاديه لاتأخذين اشياء الضيوف) وقبل ماتروحين خلي زوجك يجهز لكم شقه هناك.. ويجهز غرف النوم فيها.. لأنه لو رحتي بدون بيت بتتعبين كثيييييير وبتضطرين تنامين عند السعوديين هناك!! والملابس خذي معك اللي يكفيكم مدة شهر فقط.. لأن الملابس هناك روووووووووعه وفيه منها اللي اسعارها معقوله.. وخذي لك حجاب معك.. الحجاب الافضل إنه يكون عباية كتف واسعه ملونه أو سوداء.. (الملونه تخيطينها ) والافضل ملونه عشان مايعرفون هناك انك سعوديه او خليجيه وممكن يبتزونك... وحجاب اما طرحه عاديه ملونه وواسعه أو ايشارب مثل ايشاربات المصاريه.. والافضل طرحه لأنها مريحه عند اللبس.. وطبعا النقاب اللي بمطاط لاتنسينه.. لأن كل السعوديات هناك يتنقبون..الا القليييييييييييييييييييييييييي يل منهم مايتنقبون وخذي معك اكلات رمضان الاساسيه مثل السمبوسه.. الافضل لو تعملينها وتجمدينها وتأخذينها معك.. ولو ماقدرتي مو مشكله لأنه عندهم بقايل هنديه تبيع سمبوسه بالخضار وطعمها لذييييييييذ..وتبيع كل شيء حتى القشطه.. لاتكثرين عفش الا مواعين المطبخ.. لأنكم هناك بتشوفون الغرايب وبأسعار مناسبه.. والملابس اللي تأخذونها.. هي ملابس برد وملابس عاديه.. لكن ملابس الصيف لاااااااااااتكثرون منها لأن بريطانيا أغلب السنه برررررررد (بس بردهم مايوجع مثل بردنا).. والشمس ماتطلع الا نادرا.. الا لو كانت مدينتكم في الجنوب بتكون مائله للحر أكثر من الشمال.. خذوا معكم من هنا بطاطين (بطانيات) لأن بطانياتهم هناك ماتدفي!! وخذي كمان كم كتاب مفيد عشان تستفيدين هناك من وقتك الفاضي.. وعودي اولادك وزوجك يكونون معينين لك ومعاونين في كل شيء حتى الطبخ وغسيل الصحون.. ولاتأخذين خدامه لأن بلاوي الخدم هناك اكثر من فوائدهم!! لكن فيه خادمات شيشانيات مسلمات هناك ممكن تستفيدين منهم.. واذا وصلتي.. بتتعبين شوي.. ونفسيتك بتدهوووور في البدايه فقط.. لكن صدقيني إنه احلى رمضانات عشناها هي في بريطانيا.. واحلى عيد في بريطانيا.. ولو قدرتي ترجعون لأهلكم هنا في العيد يكون احسن.. ولو ماقدرتي عادي مشيها واصبري واحتسبي الاجر عند الله.. ( والله اننا نزلنا بريطانيا واحنا نبكي من بعدنا عن اهلنا.. وتعبنا نفسيا .. لكن من نص السنه تعدلت نفسياتنا ماشاء الله.. خاصة اننا كنا نتمشى فيها كثير.. وفي اخر سنه رجعنا للسعوديه واحنا نبكي لأننا قضينا هناك احلى الايام ماشاء الله) وخليك حذره هناك في كل شيء.. يعني الساعه خمسه بتوقيتهم الدنيا تظلم والناس تصك ابوابها.. فلاتفتحون الباب لأي احد لأن السكارى في الشوارع كثير.. لكن مامنهم خوف بإذن الله لو كنتم داخل بيتكم.. لأن بريطانيا اماااااااان اكثر من امريكا.. لكن الحذر واجب ولاتجلسون في حديقه لحالكم بدون ناس.. ولاتستعملون الحمامات العامه (الله يكرمك ) الا للضرورة واذا استخدمتوها لاتجلسون على المراحيض.. لأن عندهم امراض كثيره تنتقل بالعدوى مثل السل عندهم منتشرررررررر.. لكن استبدلوا المراحيض العامه (الله يكرمك ) (اللي في الشارع او الاسواق ) بالارض.. ولاتستخدمون شيء من اغراضهم مثل شراء الملابس المستخدمه اللي تباع في حراجاتهم!! أو لو تمشيتم واضطريتم تنامون في فندق او شاليه.. لاتدخلون الغرف (في الفنادق او الشاليهات ) الا وانتم متأكدين من نظافتها.. وفي بريطانيا فيه نادي للسعوديين في كل مدينه.. يجتمعون السعوديين بعوايلهم كل شهر أو كل اسبوع (حسب المدينه اللي بتروحين لها).. روحي من اول اجتماع وادخلي في الناس وتعرفي عليهم.. لكن لاتغرك المظاهر الخارجيه لأنه من الحريم من تحمل في قلبها كميه هااااائله من الحقد والغيره وو... وهذول قليييييييييييييييييييييييييييي يييييل جدا والاغلبيه منهم بيكونون لك بمثابة الاخوات وأكثرررررر والله... امممممممممم اي لايطلعون اولادك للشارع لوحدهم.. وانتي بعد لاتخرجين لأي مكان بغير زوجك.. لاتشترون اي شيء من السوبر ماركات هناك الا لو تأكدتم أنه خااالي من الخنزير.. ( الخنزير وشحمه وزيته له مسميات خلي زوجك يعلمها لكم كلكم .. يصير اي شيء تشترونه ابحثوا في المكونات عن هذي الكلمه) واذا التحقوا اولادك بالمدارس.. فخلي زوجك يروح لمدراء مدارسهم ويفهمهم ان اولادك مسلمين عشان يغيرون لهم نظام الاكل ويكون خالي من الخنزير.. ولاتشترون اكل الا من مطاعم اسلاميه وغالبا تكون هنديه اسلاميه.. لأن المطاعم العاديه يستعملون الملاعق والصحون في الاكل المكون من خنزير وفي الاكل اللي مافيه!! وانتبهي لاولادك لايتأثرون باعتقادات الغرب والنصارى مثل احتفالات اعيادهم!! والبنات بالتحديد.. انتهي لهم لايروحون مع بنات سعوديات هناك لوحدهم لأنه خووووف.. يعني اطفالكم لايخرجون بدونكم.. امممممممممم اتمنى اكون افدتك في كل شيء.. ولو بغيتي شيء معين راسليني حبيبتي.. وانا مستعدددددده كل الاستعداد.. لكن اتمنى وصايي هذي تقرأينها عدل وتركزين فيها.. لأنها والله مهممممممممممممممممممممممه... ومافي شيء قلته اهميته قليله.. ولاتنسيييييييني من الدعاء وانتي في الطياره لأن دعاء المسافر مستجاااااب... والله يهووون عليك السفر يااااااارب ************************ بنات..اوصيكم بالحجـــــــــــــاب لكم ولبناتكم لأنهم والله يحترمون ويقدرون كل متحجبه ولاتنسون اغراض الشاي والقهوة (فناجيل براريد وغيرها) لأنها مو متوفره عندهم مثلنا يعني فناجيلهم غير فناجيلنا وبالنسبة للتفتيش..فإللي اعرفه ان بريطانيا اريح بكثير في تفتيشها وفي تعاملها مع المسلمين من بقية الدول الغربيه واستغربت من الاخت اللي تقول تفتيش الابوات ووو.. <<انا مااكذبها لكن استغربت فقط وتفتيشهم مريـــــــــــح جدا..غير ان الشنط تدخل في جهاز بحيث انه يكشف كل ماهو داخل الشنطه واذا شكوا بشيء يفتحتون الشنطه ويشوفونه وجهاز اخر تفتيش يمرر على الجسم..لكن اذا شافوا المرأة محجبه يمررون الجهاز بسرعـــــــه احترام لها وابعدوا عن السكـــــــن في الفنادق الصغيره..لأنها مليانه سكارى ولاتخافـــــــــــــــــون من شيء هناك لأن بريطانيا تقدر وتحترم الانسان ايا كانت جنسيته او دينه لكن المهم ان تطالبوا بحقكم هناك ولاتسكتون خوف من شيء..لأنهم يحبون المطالبين بالحق والله يسهل لكم سفركــــــم يــــــــــــــــــــــــارب واي سؤال اخر انا بالخدمه..على الخاص او العام ولاتنسون تدعون لي بالسفـــــــــــرالسلام عليكم اخواتي..انا سبق لي السكن اكثر من سنتين ببريطانيا وراح احاول افيدكم بكل...
ما شاء الله معلومات مفيدة
طيب يااختي انتي جربتي خدمهم وكيف
الحين الأكاديمية طلعت دراستهم انجليزي وضاق صدري يوم عرفت يعني لازم انتساب علشان تدرس كتبها وصاحب زوجي قال دخل بنتك مدارسهم طيب هل تدخل مدرسة انجليزية ولها نجاح ورسوب ولا بس مستمعة وايش اجيب معي غير الملف يطلبون تقرير طبي ياليت تفيدني
اعرف لمن يوصل الواحد هناك يطلبون اشعة صدر صح اسويها هنا ولا لا والأطفال بعد يبون لهم اشعة صدر
وجزاك الله خير وان شاء الله تسافرين بالصيف للندن:)
تحياتي،،،
طيب يااختي انتي جربتي خدمهم وكيف
الحين الأكاديمية طلعت دراستهم انجليزي وضاق صدري يوم عرفت يعني لازم انتساب علشان تدرس كتبها وصاحب زوجي قال دخل بنتك مدارسهم طيب هل تدخل مدرسة انجليزية ولها نجاح ورسوب ولا بس مستمعة وايش اجيب معي غير الملف يطلبون تقرير طبي ياليت تفيدني
اعرف لمن يوصل الواحد هناك يطلبون اشعة صدر صح اسويها هنا ولا لا والأطفال بعد يبون لهم اشعة صدر
وجزاك الله خير وان شاء الله تسافرين بالصيف للندن:)
تحياتي،،،
الصفحة الأخيرة
بس ماقلتي عن الأشعة حقت الصدر