وعلى لندن انشالله ,,,, على فكره الصراحه الكل يمدح المدارس الانجليزيه وتسجلينهم بالويك اند مدرسه عربيه ...بس انا ماحبيت لانه اغلبيتها برا لندن ومالي خلق هجوله

ندى

خدمهم جربناهم..وتدفعين لهم بالساعه

وكنا نجيبهم ايام معينه بالاسبوع..يعني الاثنين والاربعاء والجمعه فقط

لأنهم غاليين شوي..وعملتهم (الباوند) غاليه

ولأن بيوتهم صغيره وكنا كلنا نتاعون فيما بيننا..ونقسم الشغل بيننا

لكن بصراحه التعامل مع خدمهم مريـــــــــــــــــــــــــــــــــــــــــــح

حتى ان بعض البوسنيات والشيشانيات فيهم حياء رائــــــــع

واحنا جبنا وحده كبيره بالســــــــن..بس المهم تكون مسلمه



بالسنة لدراسة بنتك..فهل انتي بتسكنين لندن؟؟

اذا بلندن..فـ سجلي بنتك في الاكاديميه لأن شهادتهم معتمده هنا بالسعوديه

اما المدارس البريطانيه..ماادري بصراحه هل هي معتمده او لا..اسألوا السفاره وهي تقولكم

واذا خايفه عليها من الانجليزي..فلا تخافيـــــــــــــــــــــــــن

بنتك بما انها صغيره بتتعلم بسرعه ان شاء الله وفي اقل من سنه

وافتكر كل الاطفال هناك كانوا يتكلمون احسن مننا يالكبار ماشاء الله

ولكن اللي اعرفه..ان السعوديين هناك يدخلون اولادهم بالمدارس البريطانيه في ايام الاسبوع حتى يتعلمون اللغه فقط..يعني مستعمين

و(في ايام ,,الجمعه والسبت والاحد) يدرسون الاولاد والبنات بالمدارس السعوديه

هذا بالنسبة للي بخارج لندن..لكن اللي بلندن اظن تكفيهم الاكاديميه


بالنسبة لأوراق بنتك..خذي معك شهادتها من اخر سنة دراسيه درستها..وطبعا شهادة الميلاد و الجواز وبقية الاوارق هم يقولونها لكم (مدراء المدارس)

يعني خلي ابوها يروح لمديرة المدرسه اللي راح تلتحق بها ويفهم منها شو الاوراق المطلوبه..ولو كان ابوها مايتكلم انجليزي فالسعوديين هناك فيهم الخير والبركه ويساعدون بدون حدود (الله يجزاهم بالخير)

ولاتخافين..افتكر مره جاتنا عائلة سعوديه هناك

ابوهم ماكان يعرف انجليزي ابدااااا

وتكفل به واحد من السعوديين في مدارس اولاده

وواحد ثاني كان يرافقه في جامعته

وواحد ثالث كان يدله على الاسواق والمرافق الباقيه

يعني تكاتفوا السعوديين معه كثيـــــــــر

ووالله ماغلقت نص السنه الا واولادهم يتكلمون انجليزي..والرجال صار يتكلم احسن من اللي قبله ماشاء الله!!

يعني لاتخافين بتمشي اموركم تمام بإذن الله..بس المهم تعرفوا على سعوديين هناك قبل تروحون

وبخصوص الكشوفات الصحيه والاشعه..بيسونها لكم ببلاش وهم بأنفسهم يتصلون عليكم ويبلغون موعدكم في الكشف

يعني الامور عندهم ماشيه تمام ماشاء الله بدون تدخل احد

واشعه الصدر..طريقتها على مااتذكر:

يدخلونك غرفه تنزعين فيها السوتيان فقط..وتقعدين بالبلوزة اللي عليك او العبايه

ويعطونك منشفه (فوطه) وتغطين بها صدرك فقط من فوق العبايه طبعا

وتدخلين للأشعه..ويصورونك وانتي جالسه او وافقه (مااتذكر بالضبط) لكن ماتنامين على ظهرك ابدا



وافتكر انه تطعمنا بعد فتره من دخلونا للبلاد..بس والله نسيت سبب التطعيمه

وعملوا لنا اشعة الصدر

وحتى اننا كنا نستغل ايامنا هناك..وصرنا نعمل فحوصات كامله على اجسامنا..لأنها ببلاش عندهم

وكلنا عمل فحص للعيون والسمع



وياقلبي..اظنك مافهمتيني تمام..انا اقصد لاتنسوني من الدعاء في سفركم:)

لأن دعاء السفر مجاب

والله يسعدك يــــــــــارب:26:

بالنسه للاخت بنت الحجاز التفتيش في المطارات تغير بعد االاحداث في لندن

بس التفتيش على الجميع مايفرقون المسلمين من غيرهم يعني الكل يشيل الجزمه وانتم بكرامه و

يحطها بالجهاز .. هذا هو الجديد وباقي التفتيش يصير بكل مطارات العالم يعني لحد يشيل هم ..

الاشعه حقت الصدر سويها بالسعوديه في اي مستوصف اريح واختصار للوقت وخلوها معكم في الشنط

اليدويه عشان اول مايطلبونها تكون جاهزه..

بالنسبه للمدارس مااقدر افيدك .. بس لو عندي احد يدرس كان دخلته مدارس انجليزيه عشان يستفيدون

من اللغه اكثر من الاكادميه ونهايه كل ترم امتحنهم بالمدارس السعوديه لانه المنهج السعودي سهل

ويختصرونه في اوراق واظن اقرب مدرسه سعوديه للندن في مدينه ريدنق ساعه عن لندن ..

والله يسهل لك كل امر ان شالله :)

شمس الخبر

فعلا..انا اخر مره رحت فيها لبريطانيا هي في الالفيه

يعني قبل التفجيرات


وبالنسبة للمدارس..فاسمحي لي اختلف معك..لأن المدارس البريطانيه سهله جدا في مناهجها

والمدرسه السعوديه اصعب!!

وبالنسبة للاستفاده من اللغه..فـ نوادي الاطفال ممكن تكون بديل لتعلم اللغه عن المدرسه البريطانيه

يعني الدراسه السعوديه اهــــــم

والدراسه البريطانيه للغه فقـــط واللغه ممكن تحصلها من اي مكان هناك..خاصة ان الاطفال يتعلمون اللغه بسرعه

وشكرا اختي..لأنك افدتني بمسألة التفتيش..لأني كنت مستغربه

وجزاك الله كل الخير

شكرا laso
شكرا شمس الخبر