مين رجعت لحياتها الطبيعيه بعد زواج زوجها

السلام عليكم ورحمه الله وبركاته
طبعاً يمكن كثير منكم قرأ قصتي وزواج زوجي علي وغدره فيني رغم اني كنت أحبه بجنون وواثقه فيه
المهم إني رجعت لبيتي وأولادي فقط وييني وبين نفسي لايمكن ارجع لزوجي بعد اللي سواه فيني لاني بصراحه ماقدرت اتحمل ولا انسى ولا استوعب الموضوع واحس بجرح وألم كبير المهم هو تزوج تقريباً من أسبوع وراح شهر العسل وأنا ناويه لما يرجع أعامله زي الضيف وانتهى لإنه كسرني ولا عاد يعني لي شي
أنا عارفه إن الزواج حق شرعي له بس إيش اسوي في نفسي ماقدرت اتحمل
المهم إني من خطبته الى زواجه تقريباً مده شهرين انهرت فيها تماماً واصبحت محطمه مدمره ماأحس لحياتي أي معنى والاهم أني حابسه نفسي ولاقدرت اواجه الناس ودا تقابلت مع أحد وانفتح الموضوع جلست ابكي بحرقه بالاضافه إلى أني بدوام قريب وخايفه من نظرات زميلاتي واحس الكل شامت علي
والحمد لله أنا متعلقه بربي كثير وأقرأ سورة البقره يومياً واصلي آخر الليل وأدعي ربي يفرجها علي ويبدل حالي من حال الى حال
ويبدل حالي الى الافضل
سؤالي مين فيكم تعرضت لأزمه قويه ورجعت تمارس حياتهالطبيعيه زي أول تكفون ردو ولاتطنشوني لأني في حال لايعلمها إلا الله وأبغى حد يساعدني قبل لا يجيني إنهيار عصبي
ولكم جزيل الشكر


الحمد لله على كل حال