,

ارميهم دار العجزة,,وريحي نفسك
















كيف وقع كلامي على قلبك.؟؟

صعب صح.؟


انا حاسة فيك والله

لكن..

تعالي نشوف الموضوع من جهة ثانية

عادتآ المريض احتياجاته قليل,,,,لكن الشيطان يثقلها على قلوبنا يستصعبها علينا

وهي سهله وحاجة بسيطة جدآ

يعني كبير السن المريض وش بيحتاج..؟؟

غير تعطينه دواه في وقته,,,ويتروش كل يومين مره

واكله بسيط مايحتاج له طيخ ونفخ

وتنضيفه مره مرتين باليوم

اشاء ما تتعب ولا تكلف جهد والله

بس مثل ماقلت لك هو الشيطان الملعون يثقلها على قلوبنا لانه يعرف الاجور اللي تجينا

وفيها تكفير سيئات وفيها رفع درجات

,,, فيها اجر عظيم

ولا مو بس كذا

كمان للوالدين ميزة ربي ميزهم بها,,وهي ان للجنة باب اسمه باب الوالد او بر الوالدين

وهذا من احسن الابواب

مايدخلها إلا البار بوالديه والمحسن لهم




اختي

انا عندي اخوي والله انه يتعب مع أمي,,لكنه صابر ومتلذذ بالقيام بامي

حتى انه مايرضى احد من اخواني ياخذ امي عنده

اكلها عليه وادويتها عليه,,ومشاوير المستشفيات عليه في عز القايلة

تصدقين انه مايقدر يطلع و يخليها لوحدها في البيت .؟

زملاه واصحابه يكشتون ويطلعون بحر وشوي و وناسه وينادونه يلا امش معنا

وهو يتعذر لهم مع انه ميت ميت على الكشتات وتغيير الجو

مايقدر يخاف يخلي امي تطيح لا سمح الله او تزحلق في الحمام

ولاسكر السماعة منهم راح عند رجل امي يهمزها ويدهنها ويزيت ظهرها

مايبغى يحس مجرد احساس بالقهر ان الكل حر وفال ام امها وهو مقيد لا روحه ولاجية

مايحب يحس بهالاحساس وانه ممتن على امي ولا له فضل عليها

حتى ان جته وظيفة كذا مره ورفضها لان محد بيقعد مع امي بالبيت لو راح الدوام

ماكان عند امي شغاله فكان هو خادمها الوحيد

وايش اقولك وايش اخلي

والله مواقف كثير اقول ايش هالاادمي ماشاءالله لاقوبة إلا بالله تبارك الرحمن على الصبر اللي يملكه

وعلى هالبر بأمه


وتحسبين هذا كله يروح هباء منثور.؟

لا والله ان شاءالله

ان اجره كبيررررر عند ربي

وكيف وامي ماينقطع عن لسانها الدعاء له

ادعيه اغبطه عليها اغبطه من كل قلبي



فأصبري يا اختي وماعند الله خير وابقى


امـي كبرت , وصارت تعيد السالفة كذا مره .." فضفضـة مخنوـقة "


:26:

لا إله إلا الله احتسبي الأجر عسى ربي يكتبك من الصابرين و في كل لحظة تخدميهم و تشوفي الراحة في وجههم صوريها في مخك في يوم من الأيام بتكون لك ذكرى لا قدر الله و مشيئة الله فوق كل شيء أمي مرضت كنت اتعب بس ما اطفش و استفدت أنها دعتي لي رحمة الله عليها إيه و الله و دي ترجع و أصير لها خدامة و جزمة و اللي يهون علي بعد فراقها رضاها عني الحمد لله و التعب نسيته لكن الحزن موجود على طول و بقى لي الذكرى و ياما تمنيت لو أني خدمتها أكثر و أكثر لو شديت على نفسي و سويت المستحيل علشانها
يا حبيبتي التعب وارد لكن الطفش من الشيطان علشان ما يحتسب لك الصبر انتبهي و تعوذي منه كل ما حسيتي بشعور سلبي و تذكري و الله هالتعب كله يختفي لو تعب سنين لو فارقوا الدنيا لا قدر الله و يبقى لك اجر التعب اجر الصبر و صور في ذاكرتك لهم بعد عمر طويل أن شاء الله

و الله يحفظهم و يخليكم لك و لا يوريك فيهم بأس و يشفيهم شفاء لا يغادره سقما و تمتعين بحياتك معهم يا رب

وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا.

هنا الله خص الاحسان بعد كبر الوالدين لانهما هنا يكونا في امس الحاجة إليه
بارك الله فيك

عارفه انتي احسن من غيرك بكثير الي بين يديك امك وابوك غيرك بين ايديهم ام زوج او اب زوج او اخت زوج معاقه يكفي دعوات والديك لك غير كذا فرحتهم ان لهم بنت تراعيهم خلي الجنه هدفك وحذاري تتأففي عندهم او تبينين لهم انك متضايقه لانك راح تتطكري تلك الايام والذكريات خلك فخوره بها

عسى ربي يكتبك من الصابرين