مين قد سافرت مصر مع اطفالها ..؟؟؟؟؟؟؟

السلام عليكم و رحمة الله و بركاته،

اول شي اخذي الشغاله لان السفر مع الاطفال متعب و دامكم سانين بشقه فان شاء الله عندكم مكان واسع.
ثانيا في اماكن وايد حلوه بمصر على حسب ميولج انتي تحبين التسوق او الاثار.
طبعا في اماكن ما تنفع تاخذين الاولاد علشان بيتعبون بس انتي و قدرتك على التحمل.
اماكن التسوق:
ملحق رمسيس - طلعت حرب - اركيديا - سيتي ستارز - اذا ساكنه بالمهندسين عندج ميدان لبنان و شارع الدول العربية
و طبعا في اماكن اكثر هذي اللى قدرت اتذكرها بس في مدينة نصر مولات عجيبه.

ثانيا اماكن للاطفال:
في المولات في طبعا اماكن للعب الاطفال، عندك حديقة الازهر جدا جميله، دريم لاند ، وندر لاند - حديقة الحيوان - القريه الفرعونيه

اماكن أخرى:
الاهرامات - القلعه - الحسين و و جمبها خان الخليلي و اذا تحبين الاثار روحي الجماليه هي حوالين الحسين بس سئلي هناك يدلونك، تقدري تاخذي مركب على النيل - اذا تحبين المتاحف عندك قصر عابدين و المتحف المصري - في برج القاهره في الزمالك -

هذا اللى قدرت اذكره و اذا عندج اسئله حاضرين.

نسيت اقول لج ان الاماكن الاثريه يكون وقتها من 9 الصبح الى الساعه خمسه.
اما المولات فهمه ما يفتحون بدري يعني لا تطلعين قبل صلاة الظهر.

الرحبق المختوم
الله يجزاك كل خير
انا اشهد انك عسل

اختي نصيحه مني بما أنك في شقه حاولي يكون أكلكم وأكل عيالكم بالذات من البيت لأن المطاعم في الصيف غالبا يكون نتيجتها تسمم ماعدا طبعا المطاعم المعروفه المشهوره جدا ..

ولا تجي وحده تقول ما تسممنا ..

كثير أعرفهم تسمموا بسبب المطاعم الراقيه هناك يعني مو مطاعم شعبيه ..

بس انتي اختي ماحددتي وين ناويه تروحين القاهره اسكندريه أو غيرها ؟؟

إذا تقدرين روحي للساحل الشمالي يمدحونه كثير وجوه غير عن القاهره وزحمتها

الصغير لا تاخذينه حرام حطيه عند امك ,,هالعمر مافيه احسن له من البيت